សារព័ត៌មានក្នុងស្រុកនិយាយថា ឆ្មាំសមុទ្រអ៊ីតាលីបានធ្វើប្រតិបត្តិការដ៏ធំមួយនៅថ្ងៃអាទិត្យដើម្បីជួយសង្គ្រោះពួកចំណាកស្រុកជាង២.០០០នាក់ នៅក្នុងភាពលំបាកនៅចន្លោះកោះLam Redusa របស់អ៊ីតាលីនិងឆ្នេរសមុទ្រលីប៊ី។
ការជួយសង្គ្រោះបន្ទាន់នោះធ្វើឡើងនៅថ្ងៃជាមួយគ្នាដែលប្រទេសអ៊ីតាលីនិយាយថា ខ្លួនកំពុងជម្លៀសបុគ្គលិកចេញពីស្ថានទូតរបស់ខ្លួននៅក្នុងប្រទេសលីប៊ី និងផ្អាកប្រតិបត្តិការនៅទីនោះ ដោយបានលើកឡើងពីស្ថានភាពសន្តិសុខធ្ងន់ធ្ងរនៅក្នុងប្រទេសដែលញាំញីដោយអំពើហិង្សានោះ។ វេបសាយរបស់ស្ថានីយទូរទស្សន៍TG Com24និយាយថា ពួកចំណាកស្រុកប្រហែល២.១៣៤នាក់ មកពីប្រទេសលីប៊ីត្រូវបានគេជួយ។
សារព័ត៌មានអ៊ីតាលីបានរាយការណ៍ដោយដកស្រង់សំដីទីភ្នាក់ងារសង្គ្រោះបន្ទាន់របស់ប្រទេសថា ជនចំណាកស្រុកប្រហែល២.១៦៤នាក់ មកពីប្រទេសលីប៊ីត្រូវបានគេជួយពីទូកជាង១០គ្រឿង។
វេបសាយរបស់ស្ថានីយទូរទស្សន៍TG Com24និយាយថា នៅល្ងាចថ្ងៃអាទិត្យ ជនចំណាកស្រុកប្រហែល៥២០នាក់ឡើងជិះនាវាមួយគ្រឿងរបស់កងនាវាចរអ៊ីតាលី។
ស្ថានីយទូរទស្សន៍នោះនិយាយថា ពួកចំណាកស្រុកជាង៩០០នាក់ទៀតត្រូវបានជួយដោយឆ្មាំសមុទ្រ និងទូកប៉ូលិស ដោយឡែកពួកអ្នកដែលនៅសល់ត្រូវបានជួយសង្គ្រោះដោយនាវាផ្សេងៗនៅក្នុងតំបន់នោះ៕
រឹទ្ធ
0 Comments