រដ្ឋមន្ត្រីការបរទេសចិនបាននិយាយនៅក្រុងអ៊ីស្លាម៉ាបាដថា ប្រធានាធិបតីរបស់ប្រទេសចិនលោក ស៊ីជីនពីង(Xi Jimping) នឹងបំពេញទស្សនកិច្ចប្រទេសប៉ាគីស្ថាននៅក្នុងឆ្នាំនេះ នៅក្នុងអ្វីដែលនឹងជាដំណើរទស្សនកិច្ចលើកទីមួយរបស់លោកទៅកាន់ប្រទេសជិតខាងភាគខាងរបស់ប្រទេសចាប់តាំងពីឡើងកាន់តំណែងក្នុងឆ្នាំ២០១៣មក។
រដ្ឋមន្ត្រីការបរទេសលោក វ៉ាងយី(wang yi) បានធ្វើសេចក្តីប្រកាសនេះនៅថ្ងៃព្រហស្បតិ៍នៅក្នុងរដ្ឋធានីរបស់ប្រទេសប៉ាគីស្ថានជាកន្លែងដែលលោកបាននិយាយពីមិត្តភាពគ្រប់រដូវរបស់ប្រទេសទាំងពីរ។
លោកស៊ីគ្រោងទៅប្រទេសប៉ាគីស្ថានកាលពីឆ្នាំមុន ប៉ុន្តែដំណើរទស្សនកិច្ចនោះត្រូវបានផ្អាកដោយសារបាតុកម្មប្រឆាំងរដ្ឋាភិបាលនៅក្នុងប្រទេសប៉ាគីស្ថាន។
សេចក្ដីថ្លែងការណ៍ផ្សាយតាមវេបសាយរបស់ក្រសួងការបរទេសនៅល្ងាចថ្ងៃព្រហស្បតិ៍និយាយថា "លោក វ៉ាងយី និយាយថា ប្រធានាធិបតីលោកស៊ីជិនពីងនឹងធ្វើទស្សនកិច្ចផ្លូវរដ្ឋមួយទៅជាប់ប្រទេសប៉ាគីស្ថានឆាប់ៗតាមកាលបរិច្ឆេទដែលអាចធ្វើទៅបានក្នុងឆ្នាំនេះ"។
លោកវ៉ាងនិយាយ "នោះនឹងជាទស្សនកិច្ចលើកទីមួយរបស់ប្រធានាធិបតីចិនមួយរូបក្នុងរយៈពេល៩ឆ្នាំ៕
រឹទ្ធ
0 Comments