ភ្នំពេញ ៖ ការប្រកួតរវាងអ្នកប្រដាល់ រឿម វណ្ណៈ សមាគមកីឡាប្រដាល់ក្រសួងការពារជាតិ និង អ៊ុំ ចំរើន អ្នកប្រដាល់ក្លិបតាឡីដំរីមានរិទ្ធ មិនត្រូវបានគណៈកម្មការបច្ចេកទេសប្រកាសលទ្ធផលឈ្នះចាញ់នោះទេ ក្នុងការប្រកួតគ្នាលើសង្វៀន TV3 ថ្ងៃទី១៥ ខែកុម្ភៈ ឆ្នាំ២០១៥។
មូលហេតុដែលមិនប្រកាសលទ្ធផលនេះ ដោយសារ រឿម វណ្ណះ បានអុកជង្គង់ត្រូវពងរបស់ អ៊ុំ ចំរើន ដល់ទៅ២ដង បណ្ដាលឲ្យ ចំរើន ប្រកួតលែងកើត។ ក្នុងការប្រកួតទឹកទី២ វណ្ណៈ បានអុកមួយជង្គង់ចំពង ចំរើនម្ដងហើយ ធ្វើឲ្យ ចំរើនចុករមួល។ មកដល់ទឹកទី៣ វណ្ណៈ អុកមួយជង្គង់ទៀត ធ្វើឲ្យ ចំរើនចុករហូតប្រកួតលែងកើត។
ស្ថានភាពបែបនេះ គណៈកម្មការវិនិច្ឆ័យសម្រេចចិត្តបញ្ចប់ការប្រកួតត្រឹមទឹកទី៣ ដោយមិនប្រកាសលទ្ធផលតែម្តង។ ចំណែកអ្នកប្រដាល់ ជ័យ វណ្ណៈ ក្លិបឃ្លាំងមឿងកីឡា ដែលឡើងមកសងសឹកជាមួយអ្នកប្រដាល់ រឿង សារ័ត្ន ក្លិបកងពលទ័ពឆ័ត្រយោង៩១១នោះ មិនត្រឹមតែមិនបានសម្រេចប៉ុណ្ណោះទេ ថែមទាំងត្រូវ រឿង សារ័ត្នទាត់មួយជើងចំកញ្ចឹង.កសន្លប់ទឹកទី១ ទៀតផង។
ជ័យ វណ្ណៈ សន្លប់ដោយសារតែគេប្រហែស និងមិនបានចាប់អារម្មណ៍ថាក្នុងទឹកទី១នេះ រឿង សារ័ត្ន ចាប់ផ្តើមវាយប្រហារខ្លាំងបែបនេះ ទើបគេមិនបានប្រយ័ត្នធ្វើឲ្យ សារ័ត្ន ទាត់ត្រូវកញ្ចឹង.ក បែបនេះ។ តាមកម្រិតបច្ចេកទេសរបស់ ជ័យ វណ្ណះ ដែលមានបទពិសោធន៍ជោគជាំលើសង្វៀន ហើយណាមួយគេជាជើងចាស់ថែមទៀត មិនគួរបើភ្លាត់ស្នៀតត្រូវ រឿង សារ័ត្ន ដែលជាអ្នកប្រដាល់ស្រករក្រោយវាយសន្លប់ក្នុងទឹកទី១បែបនេះទេ។
អ៊ុង ស៊ីណា អ្នកប្រដាល់ក្លិបសុភានូមានជ័យ ប្រកួតឈ្នះ សេង កំសត់ អ្នកប្រដាល់ក្លិបគីសែនមានរិទ្ធដោយពិន្ទុ។ ២នាក់នេះ ប្រកួតគ្នាយ៉ាងតឹងតែងបំផុតក្នុងការប្រកួតប្រាំទឹកនោះ។
សេង កំសត់ គេចាញ់ជង្គង់របស់ ស៊ីណា ដែលព្យាយាមចូលចាប់វាយជង្គង់នោះ ព្រោះបើវាយប្រយោល ស៊ីណា ពិបាកស៊ីកំសត់ដែរ ព្រោះកំសត់បន្លាស់ទីចុះឡើងៗ ហើយបានដាល់និងទាត់ទៅលើ ស៊ីណា ត្រូវមិនតិចដែរទេ បើកុំតែ ស៊ីណា មានប្រតិកម្មរហ័សប្រើស្នៀតជង្គង់ទាន់នោះ កុំអីអាចចាញ់ពិន្ទុកំសត់ផងក៏មិនដឹង។
ថន រ៉ាឌី អ្នកប្រដាល់ក្លិបសម្រែករាជសីហ៍បង្ក្រាបគ្រឿងញៀន វាយឈ្នះ ផាន ផាត់យុទ្ធ អ្នកប្រដាល់ក្លិបសាលវ័ន្ដកីឡាដោយពិន្ទុ ក្រោយពីប្រកួតគ្នាប្រាំទឹកពេញនោះ។
រ៉ាឌី ដែលចាញ់កម្ពស់ផាត់យុទ្ធនោះ គេបានព្យាយាមសម្រុកវាយប្ដូរកណ្ដាប់ដៃ និងទាត់រហូត ធ្វើឲ្យ ផាន ផាត់យុទ្ធ មានប្រៀបចាញ់។ តែយ៉ាងណា ថន រ៉ាឌី ក៏ត្រូវឈឺខ្លួនមិនស្ទើរដែរទេ ដោយសារជើង និងជង្គង់របស់ ផាត់ យុទ្ធ។
អ្នកប្រដាល់ជើងថ្មី ភិន សុទី ក្លិបខ្លារខិនមានរិទ្ធិ ប្រើកណ្ដាប់ដៃផ្ដួល ខឿន ឡាក់គី អ្នកប្រដាល់ជើងថ្មីនៃក្លិបកងពលតូចទ័ពឆ័ត្រយោង៩១១ឲ្យសន្លប់នៅទឹកទី៣៕
វិសិទ្
0 Comments