ភ្នំពេញ ៖ រថយន្ត២គ្រឿងបុកគ្នាសំណាងល្អគ្មានអ្នករងគ្រោះថ្នាក់ ហេតុការណ៍នេះបានកើតឡើងកាលពីវេលាម៉ោង២និង៥០នាទីទៀបភ្លឺ ថ្ងៃទី១៦ ខែកុម្ភៈ ឆ្នាំ២០១៥ នៅចំនុចផ្លូវលេខ៣១០ កែងផ្លូវព្រះមុនីវង្ស ស្ថិតក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ។
សាក្សីបានឲ្យដឹងថា មុនពេលកើតហេតុគេបានឃើញរថយន្តម៉ាកព្រួស ពណ៌ស្ករ ពាក់ស្លាកលេខភ្នំពេញ2Y-8758 ធ្វើដំណើរតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់តែមានរថយន្តម៉ាកហាយប្រ៊ីត ពណ៌ស ពាក់ស្លាកលេខភ្នំពេញ2AA-9192 បើកបរដោយបុរសម្នាក់ធ្វើដំណើរតាមបណ្តោយផ្លូវលេខ៣១០ ក្នុងទិសដៅពីកើតទៅលិចក្នុងល្បឿនលឿនក៏ជ្រុលបុកចំពីចំហៀងពេញទំហឹងបណ្ដាលឲ្យរងការខូចខាតទាំងសងខាង។
ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ និងធ្វើការសម្របសម្រួលគ្នា ដោយម្ចាស់រថយន្តហាយប្រ៊ីតចេញថ្លៃខូចខាតទៅលើរថយន្តម៉ាកព្រួសដើម្បីបញ្ចប់រឿងនៅកន្លែងកើតហេតុ ដោយមិនរំខានទៅសមត្ថកិច្ចឡើយ៕
ឌួងវិរះជ័យ
0 Comments