រតនគិរី ៖ យុវជនម្នាក់ជិះលឿនជាន់ហ្វ្រាំងដួលបោកក្បាលនឹងថ្នល់ជាតិស្លាប់នៅស្រុកបរកែវហេតុការណ៍នេះបានកើតឡើងនៅចំណុចភូមិត្រុំ ឃុំឡាមិញ ស្រុកបរកែវ ខេត្តរតនគិរី នៅវេលាម៉ោង៩និង៣០នាទីយប់ ថ្ងៃសៅរ៍ ទី១៤ ខែកុម្ភៈ ឆ្នាំ២០១៥។ ជនរងគ្រោះនោះមានឈ្មោះ សាំង សុខល័ក្ខ ភេទប្រុស អាយុ១៩ឆ្នាំ ជនជាតិខ្មែរ មុខរបរជានិស្សិត សព្វថ្ងៃរស់នៅភូមិ១ ឃុំឡាមិញ ស្រុកបរកែវ ខេត្តរតនគិរី បានជិះម៉ូតូម៉ាកឌ្រីមសង់ស៊េរីឆ្នាំ២០១៤ ពណ៌ខ្មៅ គ្មានស្លាកលេខ ជិះពីលិចទៅកើត លុះមកដល់ចំណុចកើតហេតុ ក៏បានជាន់ហ្វ្រាំងខ្លាំង និងមានភាពស្រវឹងបន្តិចផង ក៏ជិះក្នុងល្បឿនលឿនដួលបោកក្បាលទៅនឹងថ្នល់បណ្ដាលឲ្យរងរបួសធ្ងន់ ហើយក៏បានបញ្ជូនទៅមណ្ឌលសុខភាពស្រុកបរកែវ ដោយមានសភាពធ្ងន់ធ្ងរពេក បានបញ្ជូនមកសង្គ្រោះនៅឯមន្ទីរពេទ្យបង្អែកខេត្ត តែអកុសលក៏បានស្លាប់បាត់បង់ជីវិតតែម្តង។ ករណីគ្រោះថ្នាក់ខាងលើនេះមិនបានធ្វើឲ្យប៉ះពាល់អ្នកដំណើរដទៃទៀតនោះទេ។
មន្ត្រីនគរបាលនៅស្រុកបរកែវបានប្រាប់ឲ្យដឹងថា ក្រោយពីកើតហេតុរួច សមត្ថកិច្ចបានចុះទៅវាស់វែង និងដឹកម៉ូតូជនរងគ្រោះមករក្សាទុកនៅប៉ុស្តិ៍រដ្ឋបាលឃុំឡាមិញ ដើម្បីរង់ចាំក្រុមគ្រួសារមកដោះស្រាយពេលក្រោយ។ មន្ត្រីនគរបាលក៏បានបញ្ជាក់ថា ជនរងគ្រោះខាងលើពិតជាជិះម៉ូតូគ្រោះថ្នាក់ចរាចរណ៍ដោយខ្លួនឯងពិតប្រាកដមែន។ បន្ទាប់មន្ត្រីនគរបាលបានធ្វើកោសល្យវិច័យហើយ ក៏បានប្រគល់សាកសពជនរងគ្រោះឲ្យទៅក្រុមគ្រួសារញាតិមិត្តធ្វើបុណ្យទៅតាមប្រពៃណីនៅឯលំនៅដ្ឋាន៕
តាជួង
0 Comments