តារាចម្រៀងរ៉េប ពូឃ្លាំង ចាប់តាំងពីចូលខ្លួនប្រឡូកក្នុងអាជីពសិល្បៈអស់មួយរយៈពេលជាច្រើន ឆ្នាំមកនេះ គឺពុំដែលមាននរណាបានដឹងទេថា លោកធ្លាប់មានទំនាក់ទំនងស្នេហាក្រៅឆាកជាមួយនារីណាម្នាក់ឡើយ។ ប៉ុន្តែអ្វីដ៏គួរឲ្យភ្ញាក់ផ្អើលខ្លាំងនោះ គឺពេលនេះឌីជេ ឃ្លាំង បានគ្រងឈុតសំលៀកបំពាក់ ប្រពៃណីកូនកំលោះកំពុងរៀបអាពាហ៍ពិពាហ៍ជាមួយកូនក្រមុំម្នាក់នៅខេត្ត ព្រះសីហនុ។
តាមរយៈការបង្ហោះរូបថតជាច្រើន សន្លឹកដែលបង្ហាញឲ្យឃើញពីសកម្មភាពនៃការរៀបមង្គលការពីសំណាក់តារា ចម្រៀង ពូឃ្លាំង នាពេលពេលនេះ បានក្លាយជាចម្ងល់មួយដល់អ្នកគាំទ្រ ក៏ដូចជាបណ្ដាមិត្តភ័ក្ដិក្នុងហ្វេសប៊ុកស្ទើរគ្រប់គ្នាថា ពីមុនមកតារារូបនេះមិនធ្លាប់បានបង្ហាញ ឬប្រកាសប្រាប់គេឯងថា ខ្លួនមានម្ចាស់បេះដូងទេ តែហេតុអីពេលនេះស្រាប់តែឌីជេ ឃ្លាំង ទៅចូលរោងការដោយស្ងាត់ៗបែបនេះទៅវិញ?
ទន្ទឹមគ្នានេះ ក៏មានមជ្ឈដ្ឋានអ្នកគាំទ្រមួយចំនួនបានលើកឡើងថា ចាប់តាំងពីដើមមក ពួកគេពុំដែលបានដឹងឭអំពីគម្រោងរៀបអាពាហ៍ពិពាហ៍របស់ ពូឃ្លាំង ជាមួយនារីណាម្នាក់ឡើយ តែទើបពេលនេះទេ ដែលពួកគាត់បានឃើញដោយផ្ទាល់នឹងភ្នែក នូវរូបថតជាចម្រើនសន្លឹករបស់ តារាចម្រៀងរ៉េប ពូឃ្លាំង បង្ហាញក្នុងពិធីរៀបអាពាហ៍ពិពាហ៍គួរឲ្យភ្ញាក់ផ្អើលបែបនេះ។
បើតាមប្រភពពីអ្នកសិល្បៈជិតដិត ជាមួយតារារូបនេះបានឲ្យដឹងថា ពូឃ្លាំង ពេលនេះពិតជា បានចូលរោងការមែន នៅព្រឹកថ្ងៃទី២០ ខែមិថុនា ឆ្នាំ២០១៥នេះ គឺបាននិងកំពុងរៀបចំធ្វើឡើងនៅខត្តព្រះសីហនុ ព្រោះនារីដែលត្រូវជាកូនក្រមុំរបស់លោកមានស្រុកកំណើតនៅទីនោះ។
កូនក្រមុំ និងជាអនាគតភរិយារបស់ឌីជេ ឃ្លាំង មានឈ្មោះ ស៊ុយ ចន្ធូ ហើយសម្រាប់ពិធីមង្គលការរបស់ ពូឃ្លាំង ក្នុងថ្ងៃនេះ បើតាមការឲ្យដឹងពីប្រភពខាងលើ គឺពុំសូវមានវត្តមានអ្នកសិល្បៈ ចូលរួមច្រើននោះទេ ដោយលោកអញ្ជើញតែមិត្តភ័ក្ដិដែលស្និទ្ធស្នាលប៉ុន្មាននាក់ប៉ុណ្ណោះ៕
0 Comments