តាមរយៈឃ្លីបវីដេអូដែលត្រូវបានគេប្រទះឃើញនៅលើបណ្ដាញសង្គមហ្វេសប៊ុក គឺបុរសម្នាក់នោះនិយាយរិះគន់ទៅលើអ្នកនាង ពេជ្រ សោភា ថា ឃើញតារាម្នាក់ហ្នឹងលាបថ្នាំ ពណ៌រៀង ក្រហមផង និងលឿងផង ហើយគ្រាប់ភ្នែកដូចអាប ពេលសួរទៅ គេថា ពេជ្រ សោភា ច្រៀងបទ “ម៉ាក់ដឹង ប្រយ័ត្នម៉ាក់វ៉ៃ“នោះ តើមានទៅឆ្លុះកញ្ចក់ និងបើកឌីសមើលខ្លួនឯងទេ… ? បិសាច មិនបិសាច មនុស្ស មិនមែនមែនមនុស្ស ? ហើយមានដែលលួចមើលតារាជិតខាងយើងទេ តារាកូរ៉េ និងតារាថៃនោះ គេរៀបចំខ្លួនម៉េចឲ្យថ្លៃថ្នូរឲ្យស្អាត និងសមនោះ។
បុរសខាងលើបាននិយាយរិះគន់ទៀតថា ចំពោះកាយវិការវិញ គឺឆ្គងទាំងអស់ ហើយកន្លងមក មនុស្សល្ងឹតល្ងង់ ចេះតែនាំគ្នាគាំទ្រដែរ ឥឡូវសុំសំណូមពរណា ទៅលក់នំបញ្ចុករែកតាមផ្លូវនៅភ្នំពេញ ឬនៅតាមកន្លែងចំណតសាឡាង និងកាណូតវិញ ទំនងសក្ដិសមនឹងខ្លួនជាង ….កុំនៅធ្វើអ៊ីចឹងទៀតនោះ។ បានហើយ ពេជ្រ សោភា សុំអង្វរ គួរតែយល់ហើយណា ម្យ៉ាងទៀតតាំងពីខ្ញុំកើតមកឃើញមុខ ពេជ្រ សោភា ពេលណា ខ្មាសគេពេលហ្នឹងតែម្ដងហើយ ឥឡូវនេះ គ្រាន់តែមនុស្សគាំទ្រឲ្យខ្ញុំជួយនិយាយនេះ ប្រហែលចូល១ពាន់សំឡេងអ៊ីចឹង ខ្ញុំអាចនិយាយបាន ហើយកុំអន់ចិត្តអីណា។
យ៉ាងណាមិញ ក្រោយរងនូវពាក្យសម្ដីរិះគន់ដោយមិនសំចៃមាត់ ពីសំណាក់បុរសខាងលើនេះ ភ្លាមៗនោះគេក៏សង្កេតឃើញអ្នកនាង ពេជ្រ សោភា ហាក់ដូចជាពុំបានបង្ហាញពីអារម្មណ៍ និង បញ្ចេញនូវភាពក្ដៅក្រហាយខ្លាំងនៅក្នុងចិត្តឡើយ។ ប៉ុន្តែផ្ទុយទៅវិញអ្នកចម្រៀង ពេជ្រ សោភា បែរជានិយាយនៅក្នុងឃ្លីបវីដេអូដែលត្រូវបានបង្ហោះនោះ លក្ខណៈកាយវិការឌឺដងតបតទៅបុរសម្នាក់នេះវិញថា នាងមិនដែលលួចមើលទេតារាកូរ៉េ និងថៃនោះ គឺមើលតែម្ដង ប៉ុន្តែអត់យកតាមទេមកពីហេតុអ្វី ? ខោអាវគេ ពូឯងដឹងអត់សិចស៊ីណាស់….។
អ្នកនាង ពេជ្រ សោភា បាននិយាយដោយអស់សំណើចទៀតថា គ្មានពីណាគេល្ងឹតល្ងង់ទេពូ មានតែពូឯងមួយទេ គឺឃើញតែខ្សែក…(សើច) សុទ្ធតែគេល្ងឹតល្ងង់ អូខេ ពូមិនល្ងឹតល្ងង់ទេ គឺពូ ខ្មៅតែម្ដង ហើយល្ងឹតល្ងង់គឺមិនត្រូវទេ…! និយាយតាមត្រង់ ខ្ញុំមើលសារនេះហើយ គឺសើចពូ ហ្នឹងរហូត។
ដោយចំរឿងដែលបុរសម្នាក់នោះស្នើឲ្យ ពេជ្រ សោភា ឈប់ច្រៀង ហើយបែរទៅលក់នំបញ្ចុកវិញនោះ ត្រូវបាននាងនិយាយឆ្លើយតបទាំងសំណើចទៀតថា មិនអាចសក្ដិសមនឹងខ្លួនខ្ញុំទេ ព្រោះហេតុអ្វី ? តើមានសាឡាងឯណាឲ្យខ្ញុំទៅលក់ទៀត បើកន្លែងហ្នឹងគេធ្វើស្ពានហើយនោះ។ ពូហ្នឹងខូចណាស់ សុទ្ធតែគេមិនសក្ដិសមនឹងខ្លួន….(សើច)។
តារាចម្រៀងអ្នកនាង ពេជ្រ សោភា បានបញ្ជាក់ទៀតថា ខ្ញុំក៏មិនទៅរែកនំបញ្ចុកលក់តាមឌឿងហែមដែរ ជំនាញខ្ញុំ គឺលក់អំពៅសាង។
ភ្ញាក់ពីដេកមិនស្រួលខ្លួន មកមើលវីដេអូពូនេះ គឺសើចរហូតតែម្ដង ហើយមើលទៅសារមានដូចជាបួនរយសារឯណោះ… អើគេជេរពូឯងទាំងអស់។ រីឯបទ“ម៉ាកដឹង ម៉ាក់វ៉ៃ” នេះ គឺសូមផ្ញើទៅពូឯង ហើយអ្វីដែលសំខាន់នោះ អត់យល់និយាយពីអ្វីទេស្ដាប់ទៅឭតែវ៉ល់ៗ។
បន្ថែមលើសពីនេះ គេក៏បានឃើញតារាចម្រៀងល្បីឈ្មោះអ្នកនាង ពេជ្រ សោភា សរសេរបង្ហោះសារផងដែរថា និយាយតាមត្រង់ អត់មានអន់ចិត្តនឹងពូខ្សែកធំសូម្បីបន្តិច..ហាហាហាហាហា មើលពេលណាសើចពេលនោះ… អូតែភ្លេចប្រាប់ពូ ខោអាវខ្លះCopyមែន គឺCopy ពី CL តារាកូរ៉េ ព្រោះស្រលាញ់ការស្លៀកពាក់ និង Styleតុបតែងខ្លួនរបស់គាត់។ ប៉ុន្តែអាណាSexy ក៏មិនហ៊ានដែរ ពូស្គាល់CLដេស(ទេ) បាននិយាយថា ខ្ញុំមិនមើលគេ៕
0 Comments