ភ្នំពេញ ៖ បន្ទាប់ពីបានរស់នៅរួមមេត្រីស្នេហ៍ស្និទ្ធ
ស្អិតរមួតដូចស្ករតាំងម៉ែ
ជាមួយបុរសជាអ្នកជំនួញគ្រឿងចក្រវ័យជាង៣០ឆ្នាំ ឈ្មោះ សែត សុខា
រហូតមានកូនប្រុសស្រី២នាក់ទៅហើយនោះ រហូតមកដល់ពេលនេះ
អតីតពិធីការិនីទូរទស្សន៍បាយ័ន នាង ពេជ្រ សេរីរ័ត្ន
នៅមិនទាន់មានលេចឮអំពីគម្រោងរៀបការនៅឡើយទេ
ដែលធ្វើឲ្យរូបនាងរស់នៅគេចមិនផុតពីការចំណាយមាត់ញាតិដដែល។
មហាជននិយាយឲ្យដឹងថា
មូលហេតុដែលនាំឲ្យគម្រោងរៀបការរបស់ ពេជ្រ សេរីរ័ត្ន
ជាមួយគូស្នេហ៍ ដែលជាអាណិកជនខ្មែរ រស់នៅអាមេរិកបរាជ័យនោះ
គឺដោយសារតែស្វាមីលួចលាក់របស់នាង មិនព្រម ក្រោមលេសថា
គ្មានពេលទំនេរ កំពុងជាប់ដៃរកស៊ី តែទោះយ៉ាងណា
នាងនៅតែរំអុកប្ដីចង់រៀបការដើម្បីបំពេញមុខមាត់។
គេនិយាយទៀតថា ការដែលពិធីការិនីក្នុងកម្មវិធី«តុបំភ្លឺ»រូប
នេះចង់រៀបការ
ក្រាបផ្ទឹមក្បាលដល់កន្ទេលជាមួយប្រុសស្នេហ៍ដែលបានរស់នៅជាមួយគ្នា
ក្រោមដំបូលផ្ទះតែមួយអស់រយៈពេល៤ឆ្នាំមកហើយនោះ
គឺដោយសារតែនាងមិនចង់ខ្មាសមិត្តភ័ក្ដិរួមអាជីព
ក៏ដូចជាជាប់ងារថាកំសាក មិនហ៊ានបង្ហាញមុខគូស្នេហ៍
ខណៈដែលតារាសំដែង នាង ចន ច័ន្ទលក្ខិណា
បង្ហាញមុខគូស្នេហ៍ថ្មីដោយមិនខ្លាចរអានឹងពាក្យរិះគន់នោះ។
យើងមិនអាចស្វែងរកការបញ្ជាក់ណាមួយពីពិធីការិនីសំបូររឿងអាស្រូវ
ពេជ្រ សេរីរ័ត្ន បាននៅឡើយទេ កាលពីរសៀលថ្ងៃទី២០ ខែមិថុនានេះ
ក៏ប៉ុន្តែបើតាមប្រភពពីមិត្តភ័ក្ដិរួមអាជីពនៅ My TV បាន
និយាយខ្សឹបខ្សៀវគ្នាថា តាមមើលទៅ ពេជ្រ សេរីរ័ត្ន
គ្មានថ្ងៃបានចូលរោងការនឹងគេនោះទេ
ប្រសិនប្តីអត់ខាន់ស្លារបស់នាងនៅតែមានះរឹងរូសមិនចង់រៀបការ
ស្របច្បាប់ជាមួយនាងនោះ។
ប្រភពពីពួកដែលចូលចិត្តច្រណែនគេ
និយាយអេចអូចថា តើ ពេជ្រ សេរីរ័ត្ន
អាចលួងលោមប្ដីសេះហោះរបស់នាងឲ្យយល់ព្រមចូលរោងការជាមួយនាងបាន
ឬទេ? តែបើតាមមើល នាងគ្មានសង្ឃឹមនោះឡើយ ពោលមានតែទ្រាំរស់នៅក្នុងស្ថានភាពលាក់ក្បាលលាក់កន្ទុយតទៅទៀតតែប៉ុណ្ណោះ៕
0 Comments