ប្រភពដដែលនិយាយទៀតថា មិនទាន់ដឹងអីផងទើបបានល្បីប៉ុណ្ណឹងតារាសិល្បៈកញ្ញាកែវ ផល្លិកាធ្វើឯងចាប់ផ្តើមវាយឫកដោយបានព្រលយសំដីថា រូបនាងមិនចង់ថតសំដែងទេត្រឹមតំណែងជាតួរងនោះព្រោះតែខ្លាច បាក់មុខបាក់មាត់ឬក៏ធ្លាក់កូដ ដោយសារតែថតសំដែងតួរាយរងនោះ។ គេនិយាយលើកឡើងថា ហើយចុះកាលពីមុនមកនោះម្តេចក៏នាងមិនវាយឫកដូចពេលនេះទៅ នេះពិតជាបានឡើងខ្ពស់ភ្លេចសំឡឹងមកក្រោមមែន។
តារាសិល្បៈកញ្ញាកែវ ផល្លិកាបានប្រាប់«កម្ពុជាថ្មី»ឲ្យដឹងថា នៅពេលឮពាក្យរិះគន់ថា នាងបានល្បីវាយឫកមិនទទួលយកការថតសំដែងខ្សែវីដេអូ ដោយមិនចង់ថតដើរតួជាតួរងនោះគឺវាគួរឲ្យអស់សំណើចណាស់បង! សំរាប់ខ្ញុំជាតារាសំដែងមួយរូបប្រសិនបើមិនទទួលយកការថតសំដែងនោះ តើធ្វើមេចនឹងឆាប់ល្បីទៅ។ តារាសិល្បៈដែលមានទឹកដីកំណើតនៅស្រុកក្រូចឆ្មារចាប់មានឈ្មោះល្បី តាមរយៈរឿង«ដឹងទេថា ខ្ញុំរង់ចាំ»និងរឿង«ក្នុងដួងចិត្តគ្មាននរណា»ដែលចាក់បញ្ចាំងនៅ លើកញ្ចក់ទូរទស្សន៍ ន៍ប៉ុស្តិ៍បាយ័នកន្លងមករូបនេះបញ្ជាក់ថា ពេលខ្លះក៏នាងបដិសេធមិនទទួលយកការសំដែងដែរដោយសារតែរវល់ខ្លាំងពេក គឺធ្វើជាពិធីការិនី ដើរម៉ូដនិងរវល់ការងាររកស៊ីនិងជាប់បន្តការសិក្សាផង ដោយពេលខ្លះឆ្លៀតថតបានក៏ទទួលយកការសំដែង ពោលគឺនាងមិនបានវាយឫកដូចពាក្យគេថា នោះទេ៕
0 Comments