ភ្នំពេញ ៖ តារាសម្ដែង
និងជាពិធីករប្រុសរូបសង្ហាចង្កាព្រែក លោក ប៉ែន ចំរ៉ុង
សម្រាប់មួយរយៈ ពេលនេះ ត្រូវបានគេដឹងថា លោក
គឺជាតារាសម្ដែងជើងចាស់មួយដួងដែលកំពុងតែឆក់ទាញយកបាននូវ
ប្រជាប្រិយភាព និងការគាំទ្រខ្ពស់ជាងគេ ពីសំណាក់ស្រទាប់មហាជនទូទៅ
ក៏ដូចជាស្រទាប់យុវវ័យនាពេលបច្ចុប្បន្ន។
ភាពជោគជ័យក្នុងអាជីពជាអ្នក
សម្ដែង និងពិធីករនៅតាមបណ្ដាស្ថានីយប៉ុស្តិ៍ទូរទស្សន៍ក្នុងស្រុក
របស់លោក ប៉ែន ចំរ៉ុង ត្រូវបានមហាជនគ្រប់មជ្ឈដ្ឋានមើលឃើញថា
តារាសម្ដែងពូកែវោហារស័ព្ទ និងមានទេពកោសល្យរូបនេះ
គឺកំពុងតែមានឱកាសយ៉ាងខ្លាំងក្នុងការឆក់យកទីផ្សារសិល្បៈ
ដែលអាចរកចំណូលបានខ្ពស់ជាងការសម្ដែងខ្សែរឿងភាគ ស្ប៉តពាណិជ្ជកម្ម
និងដើរតួរជាពិធីករជាដើម។
ស្របពេលដែលតារាសម្ដែង លោក ប៉ែន
ចំរ៉ុង ហាក់កំពុងទទួលបានភាពជោគជ័យ និងមាន
ប្រជាប្រិយភាពខ្លាំងក្នុងអាជីពសិល្បៈនោះ
ថ្មីៗនេះក៏មានព័ត៌មានលេចឭមកថា
តារាប្រុសរូបនេះជាព្រាននារីចូលចិត្តញ៉ែស្រីៗ មិនរើសមុខ
មិនតែអ្នកសិល្បៈដូចគ្នាទេ សូម្បីនៅខាងក្រៅមជ្ឈដ្ឋានអ្នកសិល្បៈ
ក៏លោក ប៉ែន ចំរ៉ុង ចូលចិត្តទាក់ទងញ៉ែគេឯងផងដែរ។
បើតាមប្រភពពីមិត្តភ័ក្ដិអ្នក
សិល្បៈរួមអាជីពជាមួយតារាប្រុសរូបនេះបានទម្លាយថា នាយ ប៉ែន ចំរ៉ុង
បច្ចុប្បន្នវិស័យសិល្បៈរបស់គាត់មានភាពលេចធ្លោទៅមុខគួរឲ្យ
កត់សម្គាល់ តាមរយៈនៃការក្ដោបក្ដាប់បានឱកាសសម្ដែង
ធ្វើជាតួឯកនៅក្នុងសាច់រឿងនីមួយៗរបស់បណ្ដាញស្ថានីយប៉ុស្តិ៍
ទូរទស្សន៍ និងនៅតាមបណ្ដាផលិតកម្មក្នុងស្រុក។
ប៉ុន្តែអ្វីដែលធ្វើឲ្យគេមានការភ្ញាក់ផ្អើលខ្លាំង
ជាងនេះទៅទៀតនោះ គឺត្រង់ថា លោក ប៉ែន ចំរ៉ុង
ចូលចិត្តធ្វើចរិតបែបព្រាននារី ដើរញ៉ែស្រី មិនរើសមុខ។
ប្រភពខាងលើបាននិយាយទៀតថា
តារាសម្ដែងស្រីមិនតិចនាក់ហើយទេ ដែលបានសម្ដែងពី
អារម្មណ៍ខ្លាចរអាទៅលើលោក ប៉ែន ចំរ៉ុង ព្រោះថារាល់ពេល
ដើរតួសម្ដែងជាមួយតារាប្រុសរូបនេះម្តងៗ
គឺពួកគេខ្លាចបំផុតនៅត្រង់មានឈុតឆាឱបថើបរោលរាលក្ដៅសាច់
ដោយសារតែលោក ប៉ែន ចំរ៉ុង ចូលចិត្តធ្វើអ្វីដែលលើសពីការសម្ដែងពោល
គឺអាចនិយាយបានថាជាតារាសម្ដែងប្រុសមាត់ដាចដៃឆៅ។
ប្រភពបានបន្ថែមទៀតថា លោក ប៉ែន
ចំរ៉ុង មិនត្រឹមតែចូលចិត្តសម្ដែងលេងលក្ខណៈដៃដល់ ប៉ុណ្ណោះទេ
ពេលខ្លះថែមទាំងឆ្លៀតឱកាសបែបចង់កេងចំណេញលើតារាស្រីៗតួសម្ដែង
ជាមួយទៀតផង។
ម្យ៉ាងទៀតតារារូបនេះ
មានពេលខ្លះក៏បានយកលេខទូរស័ព្ទតេទៅទាក់ទងល្បួងសុំស្នេហ៍គេឯងផង
ដែរ បើសិនឃើញតារាស្រីណាក្មេងៗ ហើយស្អាត
ដែលទើបតែលេចមុខចូលសម្ដែងនោះ។
កម្ពុជាថ្មី កាលពីរសៀលថ្ងៃទី២១
ខែមិថុនា ឆ្នាំ២០១៥
មិនទាន់អាចទំនាក់ទំនងសុំការបំភ្លឺពីសំណាក់តារាប្រុសលោក ប៉ែន
ចំរ៉ុង ជុំវិញព័ត៌មានលេចឭខាងលើនេះបាននៅឡើយទេ។
ដូច្នេះ កម្ពុជាថ្មី
នឹងព្យាយាមទំនាក់ទំនងស្វែងរកការបកស្រាយពីលោក ប៉ែន ចំរ៉ុង
នៅពេលក្រោយ ដើម្បីឲ្យមហាជនអ្នកគាំទ្របានដឹងច្បាស់ពីការពិត៕
0 Comments