គួររំលឹកដែរថា តារាចម្រៀងអ្នកនាង ឈួន ស្រីម៉ៅ បានរៀបអាពាហ៍ពិពាហ៍នៅថ្ងៃទី១៤ ខែវិច្ឆិកា ឆ្នាំ២០១៤កន្លងទៅនេះ បានប្រារព្ធធ្វើឡើងនៅមជ្ឈមណ្ឌលពាណិជ្ជកម្មកោះពេជ្រ អគារF នា រាជធានីភ្នំពេញ ដែលមានភ្ញៀវកិត្តិយស និងអ្នកសិល្បៈចូលរួមប្រមាណជាង៧០០នាក់។ ស្វាមីរបស់នាងមានឈ្មោះ ម៉ាន់ ឌី មានវ័យជាង២០ឆ្នាំតែប៉ុណ្ណោះ ជាអាណិកជនខ្មែររស់នៅរដ្ឋមីនីសូតានៃសហរដ្ឋអាមេរិក បម្រើការងារនៅក្នុងក្រុមហ៊ុនមួយ ហើយនឹងមានវង់តន្ត្រីផ្ទាល់ខ្លួនប្រចាំនៅភោជនីយដ្ឋានខ្មែរមួយនៅ ទីនោះផងដែរ។
ឈួន ស្រីម៉ៅ បញ្ជាក់ប្រាប់ថា រហូតមកដល់ពេលនេះ គឺនៅមិនទាន់ច្បាស់នៅឡើយអំពីអាជីពជាផ្លូវការសម្រាប់នាងនៅអាមេរិក ប៉ុន្តែប្រាកដណាស់ថា ការងារច្រៀងរាំនាងនៅតែបន្តស្របពេលដែលស្វាមី និងក្រុមគ្រួសារបើកដៃឲ្យក្នុងការសម្រេចចិត្ត និងជ្រើសរើសនោះ។
នាងបញ្ជាក់ទៀតថា ខាងបងប្អូនសាច់ញាតិក្រុមគ្រួសារខាងស្វាមីនាងនៅអាមេរិកស្រឡាញ់និង យកចិត្តទុកដាក់ចំពោះនាងខ្លាំងណាស់ ហើយពេលនេះនាងក៏កំពុងតែពពោះកូនដំបូងផងដែរ។ តារា ចម្រៀងដែលជាប្អូនស្រីបង្កើតរបស់អ្នកនាង ឈួន សុវណ្ណឆៃ រូបនេះបញ្ជាក់ឲ្យដឹងបន្តថា ការផ្ដល់កំណើតកូនដំបូងនេះ វានឹងធ្វើឲ្យចំណងស្នេហ៍ រវាងនាង និងស្វាមីកាន់តែមានភាពស្អិតរមួតថែមមួយកមរិតទៀត ដូច្នេះហើយទើបនាងមិនចង់អូសបន្លាយពេលវេលាយូរក្នុងការយកកូននេះ ។ តាំងតែពីនាងបានមករស់នៅ អាមេរិករហូតមកដល់សព្វថ្ងៃនេះ នាង និងស្វាមី មិនដែលមានបញ្ហាល្អក់កករ ឬឈ្លោះទាស់ទែងគ្នានោះឡើយ ផ្ទុយទៅវិញស្វាមីនាងបានផ្តល់នូវភាពកក់ក្តៅ និងឆ្លៀតពេលទំនេរពីការងារនាំនាងដើរកម្សាន្ត ដើរផ្សារដើម្បីកុំឲ្យនាងនឹកស្រុក ហើយគាត់បាននិងកំពុងតែរត់ឯកសារ ដើម្បីសុំឲ្យនាងមានសិទ្ធិរស់នៅលើទឹកដីអាមេរិកស្របច្បាប់ផងដែរ៕
0 Comments