ភ្នំពេញ ៖ តារាសម្ដែងស្រីអ្នកនាង
ចន ច័ន្ទលក្ខិណា
កន្លងមកធ្លាប់ទទួលរងនូវសំឡេងនៃការរិះគន់យ៉ាងចាស់ដៃពីសំណាក់
មជ្ឈដ្ឋានមហាជនអ្នកគាំ និងបានចោទថា នាងជាស្រីផិតក្បត់ប្ដី
ហើយសុខចិត្តបោះបង់ចោលលោក យុត្ថារ៉ា ឆានី
អតីតប្ដីកម្សត់កម្រជាមួយគ្នារាប់ឆ្នាំ
ងាកមកផ្ដើមចំណងស្នេហ៍ថ្មីជាមួយអ្នកមានទ្រព្យធន លុយ ឡាន
ផ្ទះវិឡាយ៉ាងរំភើយ …។
នៅត្រង់ចំណុចនេះក៏ត្រូវបានគេ
សង្កេតឃើញថា អំឡុងរយៈពេលប៉ុន្មានថ្ងៃក្រោយ ពេលដែលអ្នកនាង ចន
ច័ន្ទ លក្ខិណា ទើបទទួលបានកាដូខ្សែ.ក
ពេជ្រ ពីគូរស្នេហ៍ថ្មី លោក ហេង
ឡុងក្នុងឱកាសថ្ងៃខួបកំណើតរបស់នាង កាលពីយប់ថ្ងៃទី២០
ខែមិថុនាមកនោះ ក៏ផ្ដើមផ្ទុះនូវសំឡេងរិះគន់ជា ថ្មីឡើងវិញថា
នាងគឺជាមនុស្សស្រីមិនល្អ ភ្លើតភ្លើន ក្បត់ស្វាមី
ទៅមានប្រុសផ្សេង ជាស្រីមើលឃើញតែពីលុយ
ស្រលាញ់រកតែមនុស្សដែលសម្បូរទ្រព្យ ហើយសុខចិត្តលះបង់ប្ដី
និងកូនចោល ព្រមទាំងការរិះគន់ជាច្រើនទៀតផងដែរ
ធ្វើឡើងតាមរយៈបណ្ដាញសង្គមហ្វេសប៊ុក។
ទន្ទឹមគ្នានេះ មជ្ឈដ្ឋានមហាជន
ក៏ដូចជាអ្នកនិយមប្រើប្រាស់ហ្វេសប៊ុកមួយចំនួន ក៏បានលើក
ឡើងស្រដៀងគ្នា
សម្ដែងពីទឹកចិត្តអាណិតដល់អតីតស្វាមីចាស់របស់អ្នកនាង ចន ច័ន្ទ
លក្ខិណា គឺលោក យុត្ថារ៉ា ឆានី ថាជាមនុស្សចិត្តព្រះសុខចិត្ត
លះបង់ប្រពន្ធដែលធ្លាប់ឱបជាប់នៅនឹងដើមទ្រូងឲ្យទៅប្រុសផ្សេង
មើលថែជំនួសវិញម្ដង។
មិនតែប៉ុណ្ណោះក៏មានអ្នកខ្លះទៀតបានសរសេរបញ្ចេញយោបល់លើកទឹកចិត្ត
ដល់លោក យុត្ថារ៉ា ឆានី ផងដែរ។
ប៉ុន្តែយ៉ាងណាមិញ
ក្រោយពីផ្ទុះនូវសំឡេងរិះគន់ជាថ្មីទៅលើអ្នកនាង ចន ច័ន្ទលក្ខិណា
នេះដែរ ភ្លាមៗនោះគេ
ក៏បានឃើញស្ត្រីម្នាក់ដែលជាអាណិកជនខ្មែរកំពុងរស់នៅក្រៅប្រទេស
ត្រូវជា ម្ចាស់ Account ហ្វេសប៊ុកឈ្មោះថា Chanbo Keo បែរជា
ចេញមុខបកអាក្រាតតារាសម្ដែងលោក យុត្ថារ៉ា ឆានី ទៅវិញ
ដោយបានសរសេរថា
គ្រាដែលគាត់មកលេងនៅស្រុកខ្មែរកាលពីពេលកន្លងមកនេះ
គឺធ្លាប់បានជួប និងឃើញលោក យុត្ថារ៉ា ឆានី
បណ្ដើរស្រីក្មេងស្រស់ស្អាតម្នាក់ទៅកន្លែងដើរកម្សាន្តនិងញ៉ាំ
អាហារនៅទឹកជ្រោះក្បាលឆាយ កំពង់សោម ដោយចៃដន្យ
ប៉ុន្តែកាលនោះមិនបានឃើញវត្តមានអ្នក ចន ច័ន្ទលក្ខិណា
នៅជាមួយប្ដីទេ។
ដោយឡែក សម្រាប់អ្នកនាង ចន ច័ន្ទលក្ខិណា បន្ទាប់ពីបានឃើញម្ចាស់Accountហ្វេសប៊ុក ឈ្មោះChanbo Keo បាន
ទម្លាយពីរឿងរ៉ាវរបស់អតីតស្វាមីធ្លាប់លួចនាំស្រីចេញទៅដើរលេង
ក្បត់នាងហើយនោះ ភ្លាមៗនេះ គេក៏បានឃើញតារាសម្ដែងចាស់វស្សានាង
ចន ច័ន្ទលក្ខិណា ក៏បាន ចេញមុខមកទម្លាយអាថ៌កំបាំងបកស្រោមមុខលោក
យុត្ថារ៉ា ឆានី បន្ថែម ដោយបានសរសេរតបទៅវិញថា
អរគុណបងស្រីដែលបានបកស្រាយរឿងនេះ
គឺខ្ញុំលាក់ទុក១០ឆ្នាំក្នុងចិត្តម្នាក់ឯង ១០ឆ្នាំហើយ
សូម្បីតែឪពុកម្ដាយខ្ញុំ ក៏ខ្ញុំមិនប្រាប់ផង
ព្រោះតែខ្ញុំស្រលាញ់ប្ដីពេក មិនចង់ឲ្យពួកគាត់មានរឿង ដឹងហើយថា
បើប្ដី និងឪពុកម្ដាយយើងឈ្លោះគ្នា អ្នកដែលពិបាក គឺយើង
គាត់យកម្នាក់ស្រីហ្នឹងទៅក្បាលឆាយ មិនមែនម្ដងទេ
ក្រោយមកគាត់ទៅជាមួយមិត្តភ័ក្ដិប្រុស៥នាក់ គាត់កុហកខ្ញុំ
តាមពិតគាត់នាំស្រី៥នាក់ម្នាក់មួយគូ។
អតីតភរិយាអ្នកនាង ចន
ច័ន្ទលក្ខិណា បាននិយាយបន្ថែមថា ក្រោយពីពេលហ្នឹងប៉ុន្មានថ្ងៃ ខ្ញុំ
ក៏ទៅថតរឿងអង្គលីមានៅទីនោះ តែខ្ញុំពិតជាឈឺចាប់ណាស់
ចង់សន្លប់នៅពេលដែលប្រជាពលរដ្ឋនៅទីនោះប្រាប់ខ្ញុំគ្រប់សកម្មភាព
ដ៏ស្មោកគ្រោករបស់ពួកគេ សូម្បីតែក្មេង៥ឆ្នាំក៏បានដឹង
ពេលនោះបេះដូងខ្ញុំស្ទើរតែស្រក់ឈាមទៅហើយ។
គួរបញ្ជាក់ថា
ចំណងស្នេហារដែលធ្លាប់សាងភាពផ្អែមល្ហែមនឹងគ្នា
បានបន្សល់ទុក្ខនូវអនុស្សាវរីយ៍ ជាចំណងដៃកូនស្រីម្នាក់
រវាងអ្នកនាង ចន ច័ន្ទលក្ខិណា ជាមួយអតីតស្វាមីលោក យុត្ថារ៉ា ឆានី
គឺបានប្រេះស្រាំ រហូតឈានទៅដល់ការលែងលះគ្នាតាមផ្លូវច្បាប់
កាលពីឆ្នាំ២០១៣កន្លងទៅ ខណៈការរស់នៅសាងសុភមង្គលលក្ខណៈប្ដី-ប្រពន្ធនឹងគ្នាពុំមានភាពចុះសម្រុង៕
0 Comments