គេសង្កេតឃើញពេជ្រ អាវីហ្សា ហាក់មានចិត្តសឿងជាងតារាដែលល្បីឈ្មោះមួយចំនួនដោយហ៊ានសាងសេ្នហ៍បើកចំហថែមទាំងឧស្សហ៍ បណ្តើរគ្នាបង្អួតអ្នកសិល្បៈព្រមទាំងអ្នកកាសែតដោយពុំភ័យព្រួយខ្លាចធ្លាក់កូដឡើយ។ មានការលេចឮថា សង្សាររបស់ពេជ្រ អាវីហ្សា ពូកែប្រចណ្ឌណាស់ ខណៈពេលនាងស្លៀកពាក់សិចស៊ីបង្ហាញគល់ សុដន់គួរឲ្យព្រឺព្រួច។
បើតាមការឲ្យដឹងពីមិត្តភក្តិរួមអាជីពស្និទ្ធស្នាលជាមួយនាងបានឲ្យដឹងថា សង្សារអាវីហ្សាក្រៅពីប្រចណ្ឌហួងហែងហើយក៏រឹតបន្តឹងដោយមិនឲ្យបង្ហាញភាពសិចស៊ី និងលេងសិល្បៈទៀតព្រោះខ្លាចមានបុរសផ្សេងឆក់យកបាត់។ ពោល គឺសង្សាររបស់នាងធានាផ្គត់ផ្គង់គ្រប់បែបយ៉ាងម៉្យាងមិនចង់ឲ្យនាងនឿយហត់ជាមួយអាជីពប្រាក់ល្អិតទៀតផង។
ប្រភពដដែលបន្ថែមទៀតថា ការដែលប្រុសស្នេហ៍របស់អាវីហ្សា រឹតបន្តឹងបែបនេះ ដោយមួយរយៈចុងក្រោយនេះ ព្រោះមានបុរសអ្នកមានទ្រព្យមួយចំនួន តាមស្ទូចស្នេហ៍នាងថែមទាំងហ៊ានឲ្យវីឡា ឡានដល់នាងទៀតផង បើព្រមផ្តាច់ស្នេហ៍ពីសង្សារនាង។
ពាក់ព័ន្ធរឿងនេះពេជ្រ អាវីហ្សា មិនអាចទាក់ទងសុំការបំភ្លឺបានទេ ប៉ុន្តែគេបែរជាឃើញនាងត្អូញត្អែរប្រាប់អ្នកសារព័ត៌មានថា សង្សាររបស់នាងពិតជាពូកែប្រច័ណ្ឌ ហួងហែងសម្បើមណាស់។
ដោយឡែកការចូលប្រឡូកសិល្បៈប៉ុន្មានឆ្នាំនេះ គេសង្កេតឃើញពេជ្រ អាវីហ្សាល្បីល្បាញរឿងស្នេហាជាងការងារដោយមានសកម្មភាពសិល្បៈតិចតួច តែសម្រាប់ព័ត៌មានស្នេហាវិញ បានបោកបក់មកលើនាងជាបន្តបន្ទាប់ ពិសេសពាក់ព័ន្ធបុរសដែលមានឋានៈខ្ពង់ខ្ពស់ដូចជាមន្ត្រីធំ–អ្នកជំនួញនិងឧកញ៉ាជាដើម។
ទាក់ទងរឿងនេះ អាវីហ្សាតែងតែបដិសេធដំណឹងស្នេហាទាំងនោះគឺទើបតែហ៊ានបើកចំហស្នេហាជាមួយអ្នកជំនួញវ័យក្មេង ហើយថែមទាំងនិយាយថា ដោយមិនទាន់ប្រញាប់ដឹកដៃគូស្នេហ៍ចូលរោងទេ គឺនៅត្រូវការពេលវេលាឲ្យច្រើនសម្រាប់គិតគូរសិន។
ក្រោយពីការហួងហែងរឹតបន្តឹងពីសង្សាររបស់អាវីហ្សាក៏រំអុកសុំនាងរៀបការឆាប់ៗ តែអាវីហ្សាវិញមិនទាន់ចង់បញ្ចប់ជីវិតនៅលីវទេ ព្រោះក៏មិនទាន់ទុកចិត្តសង្សារ១០០ភាគរយដែរ៕
0 Comments