កណ្ដាល ៖ សមត្ថកិច្ចកងរាជអាវុធហត្ថក្រុងតាខ្មៅ សហការជាមួយមន្ទីរប្រឆាំងគ្រឿងញៀន នៃកងរាជអាវុធហត្ថខេត្តកណ្ដាល បានធ្វើការបង្ក្រាបមុខសញ្ញាជួញដូរ និងប្រើប្រាស់គ្រឿងញៀន ដោយឃាត់ខ្លួនបានមនុស្សប្រុស/ស្រីចំនួន៤នាក់ កាលពីថ្ងៃទី៣១ ខែកក្កដា ឆ្នាំ២០១៥ នៅចំណុចផ្សេងៗពីគ្នា ក្នុងភូមិសាស្ត្រក្រុងតាខ្មៅ។
លោកវរសេនីយ៍ត្រី ហៀង ចន្ទី មេបញ្ជាការកងរាជអាវុធហត្ថក្រុងតាខ្មៅបានឲ្យដឹងថា ជនសង្ស័យប្រុស/ស្រីចំនួន៤នាក់ ដែលត្រូវបានឃាត់ខ្លួនជាបន្តបន្ទាប់នេះ គឺមានទីតាំងទី១-កាលពីវេលាម៉ោង០៩និង០០នាទី នៅចំណុចភូមិក្រពើហា សង្កាត់ព្រែកឫស្សី ក្រុងតាខ្មៅ ឃាត់បានជនសង្ស័យឈ្មោះ វ៉ាន់ ធួន ភេទស្រី អាយុ៤០ឆ្នាំ មុខរបរមិនពិតប្រាកដ មានទីលំនៅភូមិក្រពើហា សង្កាត់ព្រែកឫស្សី ក្រុងតាខ្មៅ ដកហូតបានម្សៅក្រាមពណ៌សថ្លា ប្រភេទសារធាតុញៀន០១កញ្ចប់តូច ម៉ូតូ០១គ្រឿង ទូរស័ព្ទដៃ០២គ្រឿង ម៉ាកណូគៀរស៊េរីចាស់ និងទីតាំងទី២-កាលពីវេលាម៉ោង០៩ និង៤០នាទី នៅចំណុចគល់ស្ពានស្នងការនគរបាលខេត្តកណ្ដាល ស្ថិតក្នុងភូមិតាខ្មៅ សង្កាត់តាខ្មៅ ក្រុងតាខ្មៅ ឃាត់បានជនសង្ស័យឈ្មោះ វិន យ៉ានសឿង ភេទប្រុស អាយុ៣៣ឆ្នាំ មុខរបរកម្មករ មានទីលំនៅភូមិទួលក្រសាំង ឃុំរការខ្ពស់ ស្រុកស្អាង ដកហូតបានម្សៅក្រាមពណ៌សថ្លា ប្រភេទសារធាតុញៀនចំនួន១២កញ្ចប់តូច ម៉ូតូ០១គ្រឿង និងទូរស័ព្ទដៃ០២គ្រឿងម៉ាកណូគៀរស៊េរីចាស់ និងទីតាំងទី៣-កាលពីវេលាម៉ោង១៥និង០០នាទី នៅចំណុចភូមិថ្មី សង្កាត់តាខ្មៅ ក្រុងតាខ្មៅ ឃាត់ខ្លួនជនសង្ស័យចំនួន២នាក់ ទី១-ឈ្មោះ ជា សាបិន ភេទប្រុស អាយុ៣៦ឆ្នាំ មុខរបរកម្មករសំណង់ មានទីលំនៅភូមិថ្មី សង្កាត់តាខ្មៅ ក្រុងតាខ្មៅ ,ទី២-ឈ្មោះ រុន សិលា ភេទប្រុស អាយុ២៥ឆ្នាំ មុខរបរបើកបរ មានទីលំនៅជាមួយគ្នា ដកហូតបានម្សៅក្រាមពណ៌សថ្លា ប្រភេទសារធាតុញៀន០១កញ្ចប់តូច ម៉ូតូ០១គ្រឿង ទូរស័ព្ទដៃ០១គ្រឿងម៉ាកDisko។
លោកវរសេនីយ៍ត្រីមេបញ្ជាការកងរាជអាវុធហត្ថក្រុងតាខ្មៅបានបញ្ជាក់ថា ជនសង្ស័យទាំង៤នាក់ខាងលើ រួមទាំងវត្ថុតាងកម្លាំងជំនាញកំពុងកសាងសំណុំរឿងបញ្ជូនទៅទីបញ្ជាការកងរាជអាវុធហត្ថខេត្តកណ្ដាល ដើម្បីបញ្ជូនបន្តទៅកាន់សាលាដំបូងខេត្តកណ្តាលចាត់ការតាមនីតិវិធីច្បាប់៕
អាវុធហត្ថក្រុងតាខ្មៅ បង្ក្រាបបទល្មើសគ្រឿងញៀន ឃាត់ខ្លួនមនុស្សប្រុស/ស្រី៤នាក់
0 Comments