ភ្នំពេញ ៖ យុវជនម្នាក់ ខណៈពេលជិះម៉ូតូស្របទិសដៅជាមួយរថយន្តកុងតឺន័រមួយគ្រឿង ហើយរថយន្តនោះបានបើកវ៉ាម៉ូតូជនរងគ្រោះ រួចកៀរម៉ូតូជនរងគ្រោះដួលកិនម៉ូតូខ្ទេច ផ្នែកខាងមុខសំណាងល្អណាស់ដែលជនរងគ្រោះបានខ្ទាតចេញពីក្រោមរថយន្ត ទើបមិនបណ្ដាលឲ្យរងរបួសអ្វីធ្ងន់ធ្ងរឡើយ។
ហេតុការណ៍នេះបានកើតឡើងកាលពីវេលាម៉ោង២០យប់ ថ្ងៃទី២៧ ខែកក្កដា ឆ្នាំ២០១៥ នៅតាមបណ្ដោយផ្លូវវេងស្រេង ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះម្ចាស់ម៉ូតូមានឈ្មោះ ម៉ៅ គា ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។ ជនរងគ្រោះជិះម៉ូតូម៉ាកហុងដាសេ១២៥ពណ៌ខ្មៅ ពាក់ស្លាកលេខភ្នំពេញ1AQ 6276 ម៉ូតូនេះរងការខូចខាតផ្នែកខាងមុខទាំងស្រុង ដោយសារឡានកិន។ រថយន្តបង្កម៉ាកនីសាន់ឌីសែល ពណ៌.ស សណ្ដោងកុងតឺន័រ ពាក់ស្លាកលេខភ្នំពេញ3A2817 អ្នកបើកបរបានរត់គេចខ្លួនបាត់ ក្រោយពេលដឹងថាបុកគេរួច។
តាមប្រភពព័ត៌មានបានឲ្យដឹងថា មុនពេលកើតហេតុ ម៉ូតូជនរងគ្រោះបានបើកបរក្នុងទិសដៅពីលិចទៅកើត ស្របទិសគ្នាជាមួយរថយន្តបង្ក តែរថយន្តបានបើកពីក្រោយម៉ូតូ លុះមកដល់ចំណុចកើតហេតុ រថយន្តបង្កបានបើកវ៉ាម៉ូតូជនរងគ្រោះ រួចកៀរម៉ូតូ បណ្ដាលឲ្យដួលបោកចូលក្រោមកង់ឡាន តែសំណាងល្អណាស់ដែលជនរងគ្រោះបានខ្ទាតចេញក្រៅ ទើបមិនបណ្ដាលឲ្យរងរបួសធ្ងន់ឡើយ។
ពេលបុកនោះ រថយន្តបង្កមិនបានឈប់នៅមើលនោះទេ គេបានបើកឡានទៅមុខរហូតពេលនោះជនរងគ្រោះបានក្រោកពីដួលខំរត់ដេញតាមឡាន ធ្វើឲ្យមានការភ្ញាក់ផ្អើលដល់ប្រជាពលរដ្ឋគេបាននាំគ្នាជួយឃាត់រថយន្តបាន ហើយតៃកុងចុះរត់គេចខ្លួនបាត់។ នគរបាលបានយករថយន្ត និងម៉ូតូទៅរក្សាទុក រង់ចាំដោះស្រាយគ្នាតាមក្រោយ៕
កុងតឺន័រ កៀរម៉ូតូខ្ទេច សំណាងល្អមនុស្សខ្ទាតចេញរួចខ្លួន
0 Comments