ភ្នំពេញ ៖ នៅវេលាម៉ោង៨ព្រឹកថ្ងៃទី២៩ ខែកក្កដា ឆ្នាំ២០១៥ នេះប៉ូលិស ផ្នែកព្រហ្មទណ្ឌខណ្ឌទួល គោក បានបង្ហាញមុខជនសង្ស័យ២នាក់ ក្រោយបានឃាត់ខ្លួនកាលពី ថ្ងៃទី២៩ ខែកក្កដា ឆ្នាំ២០១៥ ម៉ោង១និង១០នាទីរំលងអធ្រាត្រ នៅចំណុច ការ៉ាស់សាំង សូគីម៉ិច ផ្លូវលេខ ៦០៨ កែងផ្លូវលេខ២៨៩ ក្រុមទី៥៥ ភូមិ១២ សង្កាត់បឹងកក់ទី២ ខណ្ឌទួលគោក ដែលមានគ្រឿងញៀនជាប់ខ្លួន។
ជនសង្ស័យ ទាំង២នាក់នេះត្រូវបានប៉ូលិសប្រាប់ឲ្យស្គាល់ទី១ឈ្មោះ ហឿង សុម៉ូលី ហៅ លី ភេទប្រុស អាយុ ១៨ឆ្នាំ ជន ជាតិខ្មែរ មុខរបរ សន្តិសុខ ស្នាក់នៅផ្ទះជួលមុខផ្សារទួល គោក សង្កាត់បឹងកក់ទី២ ខណ្ឌទួលគោក ( ម្ចាស់គ្រឿង ញៀន) ។ ទី២ឈ្មោះប៉ែន សុផានីន ហៅ នីន ភេទប្រុស អាយុ ១៨ឆ្នាំ មុខរបរ ជាងជួសជុលរថយន្ត ស្នាក់នៅផ្ទះពុំចាំលេខ ផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំ ពេញ។
វត្ថុតាងចាប់យក ៖
-ក្រាមសថ្លា ( សង្ស័យជា គ្រឿងញៀនប្រភេទម៉ាទឹកកក) ចំនួន ១៨កញ្ចប់តូច ។
-ម៉ូតូមួយគ្រឿងម៉ាក Honda C125 ពណ៌ខ្មៅ ស៊េរី2007 ពាក់ស្លាកលេខភ្នំពេញ1AM- 8551 មានលេខតួ និងលេខ ម៉ាស៊ីន 8192216។
-លុយចំនួន 316700រៀល និង35$ ។
-ទូរស័ព្ទចំនួន ០៣គ្រឿង ម៉ាក Samsung Note2, ម៉ាកLG ពណ៌ខ្មៅ និងម៉ាក Nokia 12 80។ បច្ចុប្បន្នជនសង្ស័យទាំងពីរនាក់ កំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីចាត់ការតាមផ្លូវច្បាប់៕
កម្លាំងល្បាតនគរបាល ប៉ុស្តិ៍បឹងកក់ទី២ ឃាត់ខ្លួនជនសង្ស័យ២នាក់ ដកហូតគ្រឿងញៀន ចំនួន ១៨កញ្ចប់
0 Comments