ប៉ោយប៉ែត ៖ បុរសម្នាក់បានស្លាប់ភ្លាមៗ ក្នុងរណ្ដៅដីមួយកន្លែង ដែលមានជម្រៅ២ម៉ែត្រខណៈដែលជនរងគ្រោះ បានចុះទៅក្នុងរណ្ដៅនោះ ក្នុងគោលបំណងទៅយកម៉ូទ័របូមទឹក ហើយត្រូវដីបាក់សង្កត់ពីលើបណ្តាលឲ្យស្លាប់តែម្តង ហើយក្នុងហេតុការណ៍នោះដែរ ពុំមាននណាម្នាក់អាចជួយសង្គ្រោះបាននោះទេ។
ក្នុងហេតុការណ៍ខាងលើនោះ គឺកើតមាននៅម៉ោង៥និង៣០នាទីល្ងាច ថ្ងៃទី៣៩០ ខែកក្កដា ឆ្នាំ២០១៥ នៅចំណុចក្នុងការដ្ឋានសំណង់មួយកន្លែងទល់មុខ និងធានាគារហត្ថាកសិករតាមបណ្តោយផ្លូវជាតិលេខ៥ស្ថិតក្នុង ភូមិបាលិលេយ្យយ១ សង្កាត់ និងក្រុងប៉ោយប៉ែត ខេត្តបន្ទាយមានជ័យខណៈដែលភ្លៀងកំពុងតែធ្លាក់ខ្លាំង ហើយជនរងគ្រោះបានចុះទៅក្នុងរណ្ដៅ ស្រាប់តែត្រូវដីបាក់សង្កត់ពីលើតែម្តង។
មុនពេលកើតហេតុប្រភពព័ត៌មានពីកម្មករសំណង់ដូចគ្នាបានឲ្យដឹងថា ជនរងគ្រោះមានឈ្មោះដុចធឿង ភេទប្រុស អាយុ៣៧ឆ្នាំមានស្រុកកំណើត ទៅស្រុកសូនិគមខេត្តសៀមរាប មានមុខរបរជាកម្មករសំណងនៅចំណុចកើតហេតុខាងលើនោះ ប្រភពដ៏ដែលបានបន្តទៀតថា មានរណ្តៅដែលគេជីកសម្រាប់បុកគ្រឹះធ្វើសំណង់ធំៗនៅកន្លែងកើតហេតុ ហើយមានភ្លៀងធ្លាក់រយៈពេល២ ៣ថ្ងៃជាប់ៗគ្នាក្រោយមកមេការសំណង់អោយដាក់មូទ័រសម្រាប់បូមទឹកចេញពីរណ្ដៅគេបានបន្តទៀតថា ក្នុងរណ្ដៅនីមួយៗគឺមានជម្រៅ២ទៅ៣ម៉ែត្រឯណោះ ហើយស្របពេលនោះដែរដោយសារតែមានភ្លៀងធ្លាក់មកខ្លាំងទើបជនរងគ្រោះចុះទៅយកមូទ័របូមទឹកក្នុងរណ្ដៅស្រាប់តែដីបាក់សង្កត់លើតែម្តងក្រោយមកក៏មានការចុះជួយសង្គ្រោះផងដែរពីសំណាក់អ្នកជិតខាងនិងសមត្ថកិច្ច ចុះជួយសង្គ្រោះផងដែរតែយឺតពេលទៅហើយ។
ក្រោយពេលកើតហេតុរួចសមត្ថកិច្ច បានពិនិត្យសាកសពរួមគ្នាហើយក៏បានសន្និដ្ឋានថា ជនរងគ្រោះពិតជាបានស្លាប់ដោយសារដីសង្កត់ពីលើមែនហើយ ក៏បានប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី៕
កម្មករសំណង់ម្នាក់បានស្លាប់ភ្លាមៗដោយសារដីបាក់សង្កត់លើ
0 Comments