កាលពីថ្ងៃអង្គារម្សិលមិញនេះ រដ្ឋមន្ត្រីការពារជាតិអ៊ីរ៉ាក់ បានចេញផ្សាយវីដេអូ មួយ ឃើញយន្តហោះចម្បាំងអ៊ីរ៉ាក់ បានទម្លាក់គ្រាប់បែកមកលើគោលដៅរបស់ពួករដ្ឋអ៊ីស្លាម នៅជិតទីក្រុងរ៉ាម៉ាឌី និងតំបន់ជាច្រើនទៀតនៅក្នុងខេត្តអាន់បា។
នៅក្នុងវីដេអូនេះ គេឃើញមានផ្សែងខ្មៅផុសចេញពីអគារដែលគេសង្ស័យថា ជាកន្លែងលាក់ខ្លួនរបស់ក្រុមសកម្មប្រយុទ្ធ។
សេចក្តីថ្លែងការណ៍មួយដែលភ្ជាប់មកជាមួយនូវវីដេអូខាងលើកនេះ បានអះអាងថា យន្តហោះចម្បាំងអ៊ីរ៉ាក់ បានបំផ្លាញឃ្លាំងស្តុកគ្រាប់រំសេវ និងសព្វាវុធដ៏ធំមួយកន្លែង។
ទោះបីជាយ៉ាងណាក៏ដោយ ស្ថានីយទូរទស្សន៍ AP មិនអាចបញ្ជាក់បានទេ ពីប្រភពច្បាស់លាស់នៃខ្សែអាត់វីដេអូមួយនេះ។
សូមបញ្ជាក់ថា កម្លាំងរដ្ឋាភិបាលអ៊ីរ៉ាក់ ដណ្តើមបានការកាន់កាប់សាកលវិទ្យាល័យ អាន់បាពីពួករដ្ឋអ៊ីស្លាមកាលពីថ្ងៃអាទិត្យកន្លងទៅ បន្ទាប់ពីមានការប៉ះទង្គិចគ្នាដ៏ស្រួចស្រាវមួយអស់រយៈពេលរាប់ម៉ោង និងជាផ្នែកមួយនៃយុទ្ធនាការដណ្តើមកាន់កាប់ទឹកដី ពីពួកជីវពលអ៊ីស្លាមជ្រុលនិយមមួយនេះ៕
កងកម្លាំងទ័ពអាកាសអ៊ីរ៉ាក់ វាយប្រហារមកលើគោលដៅរបស់ពួកជីវពលរដ្ឋអ៊ីស្លាម
0 Comments