ភ្លៀងលាយខ្យល់យ៉ាងខ្លាំង រួមទាំងទឹកជំនន់បានសម្លាប់មនុស្សអស់៨១នាក់នៅក្នុងប្រទេសប៉ាគីស្ថាន ក្នុងរយៈពេល២សប្តាហ៍កន្លងទៅនេះ ហើយបានប៉ះពាល់ដល់មនុស្សជាង៣សែន នាក់ ដែលនេះជាការលើកយកមកនិយាយដោយទីភ្នាក់ងារគ្រប់គ្រងគ្រោះមហន្តរាយកាលពីថ្ងៃអង្គារ ដោយទាំងបានព្រមានថា អាកាសធាតុដ៏អាក្រក់នឹងជិតមកដល់ទៀតហើយផងដែរ។
ភ្លៀងជាច្រើនមេបានចាប់ផ្តើមបង្អុរធ្លាក់មក នៅពាក់កណ្តាលខែកក្កដា ហើយបានបណ្តាលឲ្យរងអន្តរាយទាំងភាគខាងជើងនិងខាងត្បូង ប្រទេស បណ្តាលឲ្យអន្តរាយលំនៅដ្ឋានជាង១,៩០០កន្លែង ព្រមទាំងមនុស្សរងរបួសរាប់សិបនាក់។ នេះជាការលើកយកមកនិយាយដោយអ្នកនាំពាក្យម្នាក់របស់អាជ្ញាធរជាតិគ្រប់គ្រងគ្រោះមហន្តរាយ MDMA ។
ក្រៅពីចំនួនមនុស្សស្លាប់ដូចបានបញ្ជាក់ពីខាងលើក៏នៅមានមនុស្ស១៧២,០១៦នាក់ផ្សេងទៀត ត្រូវបានជម្លៀសចេញទៅកាន់ទី កន្លែងសុវត្ថិភាព ដោយមានការជួយសង្គ្រោះពីកងទ័ព ផ្នែករដ្ឋបាលនៅតាមខេត្ត ព្រមទាំងពីអាជ្ញាធរ MDMA ទៀតផង ដោយប្រតិបត្តិការសង្គ្រោះកំពុងតែបន្តធ្វើ នៅក្នុងតំបន់ដែលរង ការប៉ះពាល់ដោយភ្លៀងនិងទឹកជំនន់នោះ។
បើតាមការឲ្យដឹងពីអាជ្ញាធរ MDMA ថា ភ្លៀងលាយខ្យល់កន្ត្រាក់បានបំផ្លិចបំផ្លាញហេដ្ឋារចនាសម្ព័ន្ធ កាត់ផ្តាច់ផ្លូវគមនាគមន៍រាប់សិបខ្សែថែមទាំងខូចខាតស្ពាន នៅឯស្រុក Chitral ក្នុងខេត្ត Khyber Pakhtunkhwa ខណៈពេលដែលជំនន់បានជន់លិចភូមិដ្ឋាន៣៧៥កន្លែង នៅភាគខាងត្បូងនៃខេត្ត Punjab។
ទីភ្នាក់ងារដដែលក៏បានលើកយកមកព្រមានឲ្យមានការប្រុងប្រយ័ត្នពីអាកាសធាតុដ៍ធ្ងន់ធ្ងរនៅឯភាគខាងត្បូងនៃខេត្ត Sindh ភាគកណ្តាលខេត្ត Punjab និងខេត្ត Khyber Pakhtunkhwa ព្រមទាំងតំបន់ Kashmir ផងទៀត៕
AFP
ភ្លៀង និងជំនន់សម្លាប់មនុស្សយ៉ាងតិច៨១នាក់នៅប៉ាគីស្ថាន
0 Comments