ភ្នំពេញ ៖ សមត្ថកិច្ចការិយាល័យជំនាញប្រឆាំងគ្រឿងញៀនកងរាជអាវុហត្ថរាជធានីភ្នំពេញនិងអាវុធហត្ថតាមបណ្តាខណ្ឌ៣ទៀតគីខណ្ឌមានជ័យ ខណ្ឌដង្កោនិងខណ្ឌពោធិ៍សែនជ័យបាន
ចេញប្រតិបត្តិការចុះបង្ក្រាបចាប់ខ្លួនជនសង្ស័យជាបន្តបន្ទាប់សរុប២៩នាក់ពាក់ព័ន្ធការប្រើប្រាស់
ក្នុងរយៈពេល៥ថ្ងៃគិតពីថ្ងៃទី២២រហូតដល់ថ្ងៃទី២៨ ខែកក្កដាឆ្នាំ២០១៥។ សមត្ថកិច្ចអាវុធហត្ថការិយាល័យប្រឆាំងគ្រឿងញៀនរាជធានីបានបញ្ជាក់កាលពីវេលាម៉ោង២១និង២០នាទីថ្ងៃទី២៩ខែកក្កដាឆ្នាំ២០១៥ថា ជនសង្ស័យសរុបទាំង២៩នាក់ដែលត្រូវបានអាវុធហត្ថការិយាល័យជំនាញនិងអាវុធហត្ថខ័ណ្ឌខាងលើឃាត់ខ្លួនពាក់ព័ន្ធករណីប្រើប្រាស់គ្រឿងញៀនយ៉ាងសកម្មនៅចំនុចខាងលើនិងខណ្ឌដទៃទៀតនោះដែលសកម្មភាពរបស់ពួកគេហាក់បីដូចជាផ្គើននឹងសមត្ថកិច្ចតែម្ដង។
ពាក់ព័ន្ធទៅនឹងការបង្ក្រាបករណីជួញដូរគ្រឿងញៀននោះកម្លាំងអាវុធហត្ថរាជធានី
ដកហូតបានថ្នាំញៀនម៉ាទឹកកក៣៦កញ្ចប់តូចដាវ២ដើមព្រមទាំងសម្ភារៈពាក់ពន្ធ័មួយចំនួនទៀតចាប់តាំងពីសប្ដាហ៍ទី៣រហូតដល់សប្ដាហ៍ទី៤ខែកក្កដានេះ។ជាក់ស្ដែងនៅយប់ថ្ងៃទី២២រហូតដលយប់ថ្ងៃទី២៨ខែកក្កដាឆ្នាំ២០១៥អាវុធហត្ថខ័ណ្ឌមានបានចុះបង្ក្រាបទីតាំងល្បែងហ្គែមបាញ់ត្រីនិងជាកន្លែងសេពគ្រឿងញៀនដោយឃាត់ខ្លួនជនសង្ស័យ១១នាក់នៅភូមិព្រែកទាល់សង្កាត់ស្ទឹងមានជ័យដកថ្នាំម៉ាទឹកកក១កញ្ចប់និងខ័ណ្ឌពោធិសែនជ័យឃាត់ខ្លួនជនសង្ស័យ៤នាក់ដកថ្នាំម៉ា៤កញ្ចប់តូច។
ហើយនៅថ្ងៃទី២៧និង២៨ខែកក្កដាអាវុធហត្ថខណ្ឌ័មានជ័យ ខ័ណ្ឌដង្កោនិងកម្លាំងការិយាល័យស្រាវជ្រាវប្រឆាំងគ្រឿងញៀនរាជធានីចាប់ជនសង្ស័យជួញដូគ្រឿងញៀន១៤នាក់និងថ្នាំម៉ាទឹកកក៣១កញ្ចប់តូច។
ដូច្នោះសរុបទាំងអស់ទៅរយៈពេល៦ថ្ងៃនេះកម្លាំងអាវុធហត្ថម្ចាស់ការបង្ក្រាបករណីគ្រឿងញៀនដោយបានដកហូតវត្ថុតាងនូវថ្នាំម៉ាទឹកកកគិតទៅ៣៦កញ្ចប់តូចហើយ។ បច្ចុប្បន្នកម្លាំងជំនាញកងរាជអាវុធហត្ថរាជធានីបានបញ្ជូនជនសង្ស័យទៅតុលាការជាបន្តបន្ទាប់ហើយសមត្ងកិច្ចកំពុងស្រាវជ្រាវតាមចាប់ខ្លួនមេខ្លោងធំៗជាមេៗរបស់ជនសង្ស័យដើម្បីយកមកផ្តន្ទាទោសបន្តទៀតតាមទិសដៅចង្អុលបង្ហាញរបស់លោកមេបញ្ជាការអាវុធហត្ថរាជធានីពីព្រោះថាបទល្មើសភាគច្រើនពួកជនល្មើសសុទ្ធសឹងតែប្រើប្រាស់ហើយងប់ងុលនឹងគ្រឿងញៀនតែម្ដង៕
ជនសង្ស័យ២៩នាក់ពាក់ព័ន្ធគ្រឿងញៀន៣៦កញ្ចប់ត្រូវអាវុធហត្ថរាជធានីចាត់បញ្ជូនទៅសាលាដំបូង
0 Comments