ឧត្តរមានជ័យ ៖ កាលពីវេលាម៉ោង១១ និង១០នាទីថ្ងៃទី៣០ ខែកក្កដា ឆ្នាំ២០១៥ នេះកម្លាំងនគរបាលវរការពារព្រំដែនលេខ៩០៥ ដែនមានលោកវរសេនីយ៍ទោ សុំ សារឿន មេបញ្ជាការនគរបាលការពារព្រំដែនគោកលេខ៩០៥ បានដឹកនាំកម្លាំងទីបញ្ជាការប៉ុស្តិ៍ការពារព្រំដែនចុងព្រិចបានត្រួតពិនិត្យលើខ្សែបន្ទាត់ព្រំដែនបង្គោលសីម៉ា និងពិនិត្យចំណុចថៃ រាវមីន ហើយបានប្រជុំដាក់ផែនការដល់មន្ត្រីប៉ុស្តិ៍ឲ្យយកចិត្តទុកដាក់លើការងារព្រំដែន។
លោកវរសេនីយ៍ទោ សុំ សារឿន បានឲ្យដឹងថា កាលដែលកម្លាំងរបស់នគរបាលការពារព្រំដែនចុះជាប្រចាំនេះ ដោយមានបទបញ្ជារបស់អគ្គស្នងការនគរបាលជាតិ និងលោកឧត្តមសេនីយ៍ត្រីម៉ែន លី ស្នងការនគរបាលខេត្តឧត្តរមានជ័យ ត្រូវយកចិត្តទុកដាក់អំពីតួនាទីនឹងភារកិច្ចរបស់ខ្លួនឲ្យបានខ្ជាប់ខ្ជួន ដើម្បីការពារមាតុភូមិរបស់យើង។
លោកវរសេនីយ៍ទោ សុំ សារឿន មេបញ្ជាការនគរបាលវរការពារព្រំដែនលេខ៩០៥ បានបន្តទៀតថា កម្លាំងនគរបាលរបស់វរការពារព្រំដែនលេខ៩០៥.នៅតែបន្តដើរល្បាត និងធ្វើការទប់ស្កាត់រាល់បទល្មើសដែលកើតមានឡើងដូចជា បទល្មើសគ្រឿងញៀន និងទំនិញខុសច្បាប់ ការឆ្លងដែនទៅកាប់ឈើក្រញូងក្នុងដីថៃ និងចោរកម្មលួច ប្លន់ជាដើម៕
កម្លាំងនគរបាលវរការពារព្រំដែនលេខ៩០៥ បានបន្តចុះល្បាត ដើម្បីពង្រឹងសន្តិសុខជូនជាតិមាតុភូមិ
0 Comments