ដោយមើលឃើញពីបញ្ហានេះកាន់តែបន្តកើតមានឡើង បន្តបន្ទាប់លើតារាខ្មែរទើបថ្មីៗនេះធ្វើឲ្យតារាសម្តែង និងពិធីការិនីកញ្ញា សូដា នីតា បានចេញមុខទទូចសុំការយល់ចិត្ត ពីទស្សនិកជនយល់ពីអារម្មណ៍របស់នាង និងអ្នកសិល្បៈដទៃ បើឃើញអ្វីខុសឆ្គង សុំធ្វើការរិះគន់បែបស្ថាបនា កុំរិះគន់បែបជាន់ពន្លិច។
នៅក្នុងអត្ថន័យខ្លឹមសារដែលត្រូវបានកញ្ញា សូដា នីតា សរសេរបង្ហោះសាធារណៈលើបណ្ដាញសង្គមហ្វេសប៊ុកផ្ទាល់ខ្លួន បានលើកឡើងបង្ហាញពីអារម្មណ៍ពិតថា មាន fanជាច្រើននិយាយថា បងកើតមកតារាសប្បាយណាស់មែនទេបង? តែខ្ញុំថា ធម្មតាត្រូវរកស៊ីធ្វើការដូចគេ ដូចឯងខ្ញុំគិតថា ពួកយើងខ្ញុំយ៉ាប់ជាងអ្នកធម្មតាទៅទៀត ត្រូវធ្វើការមិនស្គាល់យប់ថ្ងៃ ហើយយើងខ្ញុំថិតនៅក្នុងភ្នែកមហាជនចង់និយាយចង់ធ្វើអីចង់ទៅណាចង់យំ ចង់សើចចង់មានសង្សារស្នេហាបណ្តើរទៅណាក៏មិនបានពេលខ្លះយើងខ្ញុំមិនដែរស្គាល់ផង គេស្អប់គេមិនចូលចិត្ត គេនិយាយចេះនិយាយចុះ ។ល។
ពិធីការិនីកញ្ញា សូដា នីតាបានបន្តថា ជាការពិតណាស់យើងខ្ញុំជាតារាយល់ពីមហាជន តែគេវិញមិនយល់ចិត្តតារាទេ ចេះតែនិយាយថា ឭកណាស់ ការពិតទៅយើងខ្ញុំជាតារាទៅណាមកណាពិតគ្រែងចិត្តមហាជនណាស់ហ៊ឺ…..! ធ្វើជាតារានេះពិតជាមានគំនាបណាស់ ចំណែកសារព័ត៌មានវិញចាំតែសរសេរទេ មិនខ្វល់ថា ពិតមិនពិតទេសរសេរចាំបកស្រាយតាមក្រោយ បងប្អូនយល់ទេ នេះហើយជីវិតតារាល្បីដូចជាយើងខ្ញុំ។
តាមខ្លឹមសារបង្កប់ន័យស្នើឲ្យមហាជនយល់ពីទឹកចិត្តអ្នកសិល្បៈ ដូចជារូបនាងពីសំណាក់កញ្ញាសូដានីតាពេលនេះគឺចង់បញ្ជាក់ប្រាប់ពីអារម្មណ៍ពិតរបស់ខ្លួនធ្លាប់រងនូវភាពអយុត្តិធម៌ ព្រមជាមួយការទាមទារចង់បានសិទ្ធសេរីភាពបែបមនុស្សធម្មតា ដែលមិនចង់ស្ថិតនៅក្នុងគំនាប នៃភ្នែកច្រមុះរបស់មហាជនអ្នកគាំទ្រ៕
សូដានីតា រងនូវគំនាបពីមហាជន
0 Comments