ភ្នំពេញ ៖ ប្រជាពលរដ្ឋរស់នៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ បាននាំគ្នាឡោមព័ទ្ធដេញចាប់ចោរគាស់ផ្ទះបានម្នាក់ ក្នុងចំណោម២នាក់ យកប្រគល់ឲ្យប៉ូលិសមូលដ្ឋានចាត់ការតាមច្បាប់ភ្លាមៗ ខណៈពេលកំពុងធ្វើសកម្មភាពកាលពីម៉ោង៣កន្លះទៀបភ្លឺយប់ថ្ងៃទី៣១ ឈានចូលថ្ងៃទី០១ ខែសីហា ឆ្នាំ២០១៥។
ប៉ូលិសនិយាយថា ជនជាប់ចោទខាងលើឈ្មោះ ជា សុផល ភេទប្រុស អាយ៣៥ឆ្នាំ មានទីលំនៅភូមិថ្នល់បត់ ឃុំបឹងត្រាញ់ខាងជើង ស្រុកសំរោង ខេត្តតាកែវ។ ចំណែកបក្ខពួកគេម្នាក់ទៀតដែលគេចខ្លួនបាត់នោះមិនស្គាល់អត្តសញ្ញាណនៅឡើយទេ។
លោក ប៉ែន ហម អាយុ៤៣ឆ្នាំ ជាជនរងគ្រោះមានទីលំនៅចំណុចផ្ទះកើតហេតុខាងលើមុខរបរមន្ត្រីរាជការ នៅអង្គភាពអគ្គិសនីកម្ពុជាបានរាយការណ៍ប្ដឹងសមត្ថកិច្ចថា នៅវេលាម៉ោងប្រហែល៣ទៀបភ្លឺ ឈានចូលថ្ងៃទី០១ ខែសីហានេះ ខណៈគាត់កំពុងដេកលក់ស្រាប់តែឮសូរសំឡេងដែកប៉ះគ្នានៅទ្វារមុខផ្ទះ ពេលនោះគាត់ក្រោកមើល ស្រាប់តែឃើញទ្វាររបើកខូចអស់ហើយមានមនុស្សប្រុស២នាក់ កំពុងអូសម៉ូតូគាត់ចេញ ពេលនោះគាត់បានស្រែកចោរៗ ផ្អើលអ្នកជិតខាងជួយដេញចាប់បានម្នាក់ ឯម្នាក់ទៀតរត់គេចខ្លួនបាត់។ ពេលចាប់បានគាត់ក៏បានប្រគល់ឲ្យប៉ូលិសប៉ុស្តិ៍ភ្នំពេញថ្មីភ្លាមៗចាត់ការតាមច្បាប់។ នៅគ្រានោះដែរ ប្រជាពលរដ្ឋខឹងក៏បាននាំគ្នាវាយមួយដៃ
មួយជើងម្នាក់ស្ទើរសន្លប់ តែបានប៉ូលិសមកទាន់ជួយទប់ស្កាត់ការពារខ្លាចចោរម្នាក់នេះស្លាប់នាំតែមានបញ្ហា ហើយបានចាប់វាយខ្នោះមកសួរនាំនៅប៉ុស្តិ៍៕
លួចគាស់ផ្ទះគេ ត្រូវម្ចាស់ផ្ទះតាមទាន់ ចាប់ខ្លួនបានម្នាក់ប្រគល់ឱ្យប៉ូលិស
0 Comments