ភ្នំពេញ ៖ ជនសង្ស័យជួញដូរគ្រឿង និងជាសមាសភាពធ្វើសកម្មភាពទៀតចំនួន៣នាក់ក្នុងនោះស្រីម្នាក់ ត្រូវបានកម្លាំងកងរាជអាវុធហត្ថខណ្ឌដូនពេញឃាត់ខ្លួនកាលពីម៉ោង២២:៣០នាទីយប់ថ្ងៃទី២៥.០៨.២០១៥នៅក្នុងផ្សារកណ្ដាល នៅចំណុចផ្លូវលេខ១៤៨កែងលេខ៥ សង្កាត់ផ្សារកណ្ដាល១ខណ្ឌដូនពេញ។
មន្ត្រីអាវុធហត្ថខណ្ឌដូនពេញបានឲ្យដឹងថា ជនសង្ស័យចំនួន០៣នាក់ពាក់ព័ន្ធគ្រឿងញៀននេះឈ្មោះ១.ឈ្មោះ ស្រី ទូច ភេទស្រី អាយុ២០ឆ្នាំ មុខរបរមិនពិតប្រាកដស្នាក់នៅក្នុងផ្សារកណ្ដាល២.ឈ្មោះ ម៉ៅ ភ័ណ្ឌ ភេទប្រុស អាយុ១៤ឆ្នាំ មុខរបរមិនពិតប្រាកដ ស្នាក់នៅក្នុងផ្សារកណ្ដាល៣.ឈ្មោះ ប្រាក់ សុភារិន ភេទប្រុស អាយុ២៧ឆ្នាំ មុខរបរកម្មករ ផ្នែកអនាម័យផ្សារកណ្ដាល ស្នាក់នៅក្នុងផ្សារកណ្ដាល។
ចំណែកវត្ថុតាងចាប់យកមានម្សៅក្រាមសថ្លា៣កញ្ចប់តូចប្រាក់២ម៉ឺនរៀលទូរស័ព្ទ២គ្រឿងដាវសាំម៉ូរ៉ៃ០១ កូនកាំបិត០២ កន្ត្រៃ០៤ឧបករណ៍ ប្រើប្រាស់គ្រឿងញៀន និងសំភារៈសម្រាប់ខ្ចប់០១ចំនួន។
សមត្ថកិច្ចបានឲ្យដឹងថា បន្ទាប់ពីកម្លាំងជំនាញស្រាវជ្រាវ ពីមុខសញ្ញានោះជាយូរមក ខែហើយលុះដល់ថ្ងៃនេះដឹងយ៉ាងច្បាស់ថា ជនសង្ស័យទាំងនោះកំពុងជួញដូរ និងប្រើប្រាស់នៅក្នុងផ្សារកណ្តាលនោះដូច្នេះហើយកម្លាំងអាវុធហត្ថខណ្ឌដូនពេញក្រោមការចុះបញ្ជាផ្ទាល់ ពីលោកថោង ពិសិដ្ឋ មេបញ្ជាការខណ្ឌដូនពេញ ចុះបង្ក្រាបជាក់ស្តែង ដោយឃាត់ខ្លួនជនសង្ស័យ០៣នាក់ ក្នុងនោះស្រីព្រមទាំងដកហូតវត្ថុតាងថ្នាំញៀនមួយចំនួនទៀត ដើម្បីបញ្ជូនទៅទីបញ្ជាការអាវុធក្រុងចាត់ការទៅតាមនីតិវិធីច្បាប់៕
អាវុធហត្ថខណ្ឌដូនពេញឃាត់ខ្លួនជនសង្ស័យជួញដូរគ្រឿងញៀន៣ នៅក្នុងផ្សារកណ្ដាល
0 Comments