កំពង់ស្ពឺ ៖ មានករណីគ្រោះថ្នាក់ចរាចរមួយរវាងរថយន្តតាកូម៉ា បុកអាសង់ C125 ពេញទំហឹង បណ្ដាលឲ្យមនុស្ស៤នាក់រងរបួសធ្ងន់ និង២នាក់ទៀតរងរបួសស្រាល។
ហេតុការណ៍នេះបានកើតឡើងកាលពីម៉ោង១៦និង៥០នាទី ល្ងាចថ្ងៃទី២២ ខែសីហា ឆ្នាំ២០១៥ នៅចំណុចផ្លូវ៤១ ភូមិទូករទេ ឃុំលំហាច់ ស្រុកអង្គស្នួល ខេត្តកំពង់ស្ពឺ។
សេចក្តីរាយការណ៍បានឲ្យដឹងថា រថយន្តដែលបុកជាមួយម៉ូតូនោះពាក់ស្លាកលេខ ភ្នំពេញ2A-2547 ពណ៌ទឹកប្រាក់ ទី១ឈ្មោះ ហ៊ួន លីម អាយុ៥៨ឆ្នាំ មុខរបរអាជីវកម្មរស់នៅភូមិវត្តភ្នំ ឃុំភ្នំតូច ស្រុកឧត្តុង្គ ខេត្តកំពង់ស្ពឺ ជាអ្នកបើកបររងរបួសស្រាល ទី២ឈ្មោះ ហ៊ីម ភេទប្រុស អាយុ៣៥រងរបួសធ្ងន់ ទី៣ឈ្មោះ មាន ភេទប្រុស អាយុ៣៤ឆ្នាំ រងរបួសស្រាល។ ចំណែកម៉ូតូពាក់ស្លាកលេខ ភ្នំពេញ1CI-9778 បើកបរដោយឈ្មោះ សុំ រិទ្ធី ភេទប្រុស អាយុ២៣ឆ្នាំ មុខរបរកម្មកររោងចក្រ រស់នៅភូមិថ្មី ស្រុកកណ្ដាលស្ទឹង ខេត្តកណ្ដាល រងរបួសធ្ងន់បាក់ភ្លៅខាងឆ្វេង។
ក្រោយកើតហេតុជនរងគ្រោះត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យ។ ចំណែករថយន្តនិងម៉ូតូត្រូវបានសមត្ថកិច្ចយកមករក្សាទុករង់ចាំការដោះស្រាយ៕
រថយន្តតាកូម៉ា ព្រលះអាសង់ពេញទំហឹងបណ្ដាលឲ្យ៤នាក់រងរបួសធ្ងន់ ២នាក់រងរបួសស្រាល
0 Comments