ភ្នំពេញ ៖ លោកជំទាវឧបនាយករដ្ឋមន្ត្រីម៉ែនសំអន និងជារដ្ឋមន្ត្រីក្រសួងទំនាក់ទំនងសភាព្រឹទ្ធសភានិងអធិការកិច្ចក្នុងនាមរាជរដ្ឋាភិបាលកម្ពុជានិងជាប្រធានសមាគមនារីកម្ពុជាដើម្បីសន្តិភាពនិងអភិវឌ្ឍន៍និងជាប្រធានចលនាយុវជនកម្ពុជាទូទាំងប្រទេសបានដឹកនាំគណប្រតិភូគោរពវិញ្ញាណក្ខន្ឋលោកជំទាវចែមសាវ៉ៃដោយបំពាក់គ្រឿងឥស្សរយសជូនសពលោកជំទាវចែកសាវ៉ៃអតីតអ្នកតំណាងរាស្ត្រមណ្ឌលកំពង់ចាមបន្ទាប់ពីទទួលមរណៈភាពបានមួយថ្ងៃ។ គ្រឿងឥស្សរយសបច្ឆាមរណថ្នាក់ជាតិតូបការជូនសពលោកជំទាវចែម សាវ៉ៃនៅគេហដ្ឋានស្ថិតនៅផ្ទះលេខ៦២ ផ្លូវនរ័ប្រ៊ីតភូមិស្លែងរលើងសង្កាត់ទឹកថ្លា ខណ្ឌសែនសុខ រាជធានីភ្នំពេញធ្វើឡើងក្រោមវត្តមានដ៏ខ្ពង់ខ្ពស់លោកជំទាវម៉ែនសំអនតំណាងឲ្យរាជរដ្ឋាភិបាលកម្ពុជា។
នៅក្នុងឱកាសនោះដែរលោក ហ៊ុន ម៉ានី សមាជិកសភាមណ្ឌលកំពង់ស្ពឺនិងជាប្រធាន
សហភាពសហព័ន្ធយុវជនកម្ពុជានិងលោកហ៊ុនម៉ានិត បានយកគោរពវិញ្ញាណក្ខន្ឋលោកជំទាវ ចែមសាវ៉ៃ។ ជាមួយគ្នានោះដែរក៏មានមន្ត្រីការអញ្ជើញគោរពវិញ្ញាណក្ខន្ឋដឹកនាំដោយឯកឧត្តមឧបនាយករដ្ឋមន្ត្រីយឹមឆៃលីនិងមន្ត្រីជាន់ខ្ពស់រាជរដ្ឋាភិបាលនិងសមាជិកសភា ព្រឹទ្ធសភា ជាច្រើនរូបទៀតមកគោរពវិញ្ញាណក្ខន្ឋលោកជំទាវ ចែម សាវ៉ៃនៅគេហដ្ឋានរបស់ជំទាវផងដែរ។
គួររំលឹកផងដែរថា លោកជំទាវចែមសាវ៉ៃជន្មាយុ៦១ឆ្នាំអតីតជាសមាជិកសភាមណ្ឌលកំពង់ចាមនៃគណបក្សប្រជាជនកម្ពុជាបានទទួលមរណភាពកាលពីរាត្រីរំលងអធ្រាត្រចូលថ្ងៃទី២២ខែសីហា ឆ្នាំ២០១៥ដោយរោគាពាធ។
សពលោកជំទាវចែមសាវ៉ៃនិងដង្ហែទៅធ្វើពិធីបញ្ចុះនៅវេលាម៉ោង៦ព្រឹកនាថ្ងៃទី២៦ខែសីហា ឆ្នាំ២០១៥នៅវត្តភ្នំបាសិទ្ធ។កម្មវិធីបុណ្យធ្វើគម្រប់៧ថ្ងៃនិង១០០ថ្ងៃនៅថ្ងៃទី២៦ ខែសីហា ឆ្នាំ២០១៥នៅគេហដ្ឋានលេខ៦២ផ្លូវន័រប្រ៊ីតភូមិស្លែងរលើងសង្កាត់ទឹកថ្លាខណ្ឌសែនសុខរាជធានីភ្នំពេញតែម្ដង៕
បំពាក់គ្រឿងឥស្សរយសបច្ឆាមរណជាតិតូបការជូនដល់សពលោកជំទាវ ចែម សាវ៉ៃ
0 Comments