កណ្ដាល ៖ បុរសបីនាក់ត្រូវបាននគរបាលប៉ុស្តិ៍សហការជាមួយកម្លាំងជំនាញ ព្រហ្មទណ្ឌស្រុកអង្គស្នួលចេញល្បាតពេលយប់ប្រទះឃើញមុខសញ្ញាសង្ស័យត្រួតពិនិត្យឆែកឆេររកឃើញថ្នាំញៀនចំនួន២កញ្ចប់ធំ។
ហេតុការណ៍នេះកើតឡើង កាលពីវេលាម៉ោង២៣និង៣០នាទី យប់ថ្ងៃទី៣១ ខែសីហាឆ្នាំ២០១៥នៅចំណុចផ្លូវលំ ក្នុងភូមិបាសិទ្ធ ឃុំម្កាក់ ស្រុកអង្គស្នួល ខេត្តកណ្តាល។ ជនសង្ស័យដែលត្រូវឃាត់ខ្លួនទី១មានឈ្មោះ កូប ហ្វាស៊ី ភេទប្រុស អាយុ៣៦ឆ្នាំ សញ្ជាតិ ខ្មែរ អ៊ីស្លាមមុខរបរ ជួញមិនពិតប្រាកដនៅភូមិ គីឡូលេខ១០ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
ទី២មានឈ្មោះ អ៊ី សា ភេទប្រុសអាយុ២៦ឆ្នាំ សញ្ជាតិខ្មែរ អ៊ីស្លាមមុខរបរមិនពិតប្រាកដនៅភូមិ គីឡូលេខ៧ សង្កាត់ ច្រាំងចំរេះ១ ខណ្ឌឫស្សីកែវ រាជធានីភ្នំពេញ។ និងទី៣មានឈ្មោះ ប៉ុម សែន ហៅ ម៉ុកភេទប្រុសអាយុ៣១ឆ្នាំមុខរបរមិនពិតប្រាកដនៅភូមិពង្រ ឃុំម្កាក់ ស្រុកអង្គស្នួល ខេត្តកណ្តាល។ វត្ថុតាងដកហូតបានរួមមានថ្នាំញៀន ប្រភេទម៉ាទឹកកកចំនួន២កញ្ចប់ធំ។ មូរខ្ចប់ដោយក្រដាសសៀវភៅដាក់ក្នុងកញ្ចប់បារី ហ្វីនពណ៌ខៀវ ម៉ូតូ០១គ្រឿងម៉ាកសង់កូរ៉េពណ៌ក្រហមពាក់ស្លាកលេខ ឃ.៦៣៩៣កណ១ និងឧបករណ៍វេចខ្ចប់ និងប្រើប្រាស់ថ្នាំញៀនមួយចំនួនទៀត។
តាមប្រភពពីសមត្ថកិច្ចបានឲ្យដឹងថា នៅវេលាម៉ោងខាងលើកម្លាំងនគរបាលប៉ុស្តិ៍រដ្ឋបាលម្កាក់ សហការជាមួយជំនាញនគរបាលស្រុក បាននាំគ្នាចុះល្បាតប្រទះឃើញមុខសញ្ញាជនសង្ស័យហើយសុំធ្វើការត្រួតពិនិត្យ និងឆែកឆេរ ក៏រកឃើញថ្នាំញៀនប្រភេទម៉ាទឹកកចំនួន០២កញ្ចប់ធំ។
បើយោងតាមចម្លើយរបស់ឈ្មោះអ៊ី សា ឆ្លើយថា ថ្នាំញៀននេះខ្លួនបានទាក់ទងជាមួយឈ្មោះប៉ុម សែនហៅម៉ុករួចហើយទើបយកថ្នាំញៀនមកឲ្យដើម្បីចែកចាយបន្ត។ តែមកដល់វេលាម៉ោង៩និង៥៥នាទីថ្ងៃដដែលនេះស្រាប់នគរបាលផ្នែកជំនាញ និងប៉ុស្តិ៍ឃាត់ជនល្មើសឈ្មោះប៉ុម សែនហៅម៉ុកនៅផ្ទះម្ដាយក្មេករបស់ខ្លួនតែម្ដងដោយដកហូតបានសម្ភារសំរាប់ប្រើប្រាស់វេចខ្ចប់ និងឧបករណ៍សប្រាប់សេពមួយចំនួនទៀត។ ពេលនេះជនសង្ស័យបាននឹងកំពុងកសាងឯកសារបញ្ជូនទៅតុលាការចាត់ការតាមនីតិវិធី៕
ចុះបង្ក្រាបមុខសញ្ញាគ្រឿងញៀនដល់ផ្ទះឃាត់មនុស្សបីនាក់
0 Comments