ភ្នំពេញ ៖ ហេតុការណ៍គ្រោះថ្នាក់ចរាចរណ៍រវាងម៉ូតូបុកម៉ូតូបានកើតឡើង២លើកផ្សេងក្នុងពេលតែ១នៅក្នុងមូលដ្ឋានខណ្ឌដូនពេញតែសំណាងល្អមិនមានអ្នកគ្រោះថ្នាក់ធ្ងន់ធ្ងរដោយគ្រាន់តែខូចខាតម៉ូតូទាំងសងខាងតែប៉ុណ្ណោះ។
ដែលហេតុការណ៍ទី១ កើតឡើងនៅលើស្ពាននាគ តាមបណ្តោយផ្លូចព្រះនរោត្តម ក្នុងសង្កាត់វត្តភ្នំ និងទី២ តាមបណ្តោយផ្លូវលេខ៤៧ កែងនឹងផ្លូវលេខ៩០ សង្កាត់ស្រះចក ខណ្ឌដូនពេញ កាលពីវេលាម៉ោង២២នឹង៥០នាទីយប់ថ្ងៃទី២៣ ខែសីហា ឆ្នាំ២០១៥។
ប្រភពព័ត៌មានពីកន្លែងកើតបានឲ្យដឹងថា ហេតុការណ៍ទី១ គឺបុរសម្នាក់ជិះម៉ូតូស្មាសពណ៌ក្រហម ពាក់ស្លាកលេខ ជិះតាមបណ្តោយផ្លូវព្រះស៊ីសុវត្ថិ ទិសដៅពីជើងទៅត្បូង ដោយបានឆ្លងផ្លូវ ពេលនោះក៏បានជ្រុលទៅបុកម៉ូតូវ៉េវពណ៌ខ្មៅ ពាក់ស្លាកលេខ ដែលជិះក្នុងទិសដៅបញ្ច្រាសទិសគ្នាពេញទំហឹងបណ្តាលឲ្យរងការខូចខាតទាំងសងខាង តែសំណាងល្អមិនមានអ្នករងរបួសនោះទេ។
ក្រោយកើតហេតុភាគីម៉ូតូស្មាសចេញនូវការជួសជុលម៉ូតូទៅភាគីម្ខាងទៀតដើម្បីបញ្ចប់រឿង។
ចំណែកហេតុការណ៍ថ្នាក់មួយទៀតគឺបុរសម្នាក់ជិះម៉ូតូឌ្រីមសេ១២៥ ស៊េរីឆ្នាំ២០១២ ពាក់ស្លាកលេខ ជិះតាមបណ្តោយផ្លូវលេខ៩០ ឆ្លងទៅផ្លូវលេខ៤៧ ត្រូវម៉ូតូឌ្រីមសេ១២៥ ស៊េរីឆ្នាំ២០១៤ ជិះគ្នា២នាក់តាមបណ្តោយផ្លូវលេខ៤៧ ពីជើងទៅត្បូងបុកពេញទំហឹងបណ្តាលឲ្យរងការខូចខាត។
ក្រោយមកភាគីទាំងសងខាងបានធ្វើការសម្របសម្រួលគ្នា ដើម្បីបញ្ចប់រឿង ព្រោះមិនចង់រំខានដល់សមត្ថកិច្ចនាំឲ្យខាតពេលវេលាខ្លួនទៀតផងនោះព្រោះតែសមត្ថសមត្ថកិច្ចវាស់វែងយកម៉ូតូទៅរក្សាទុករង់ចាំភាគីទាំងសងខាងឯកភាពគ្នាក្នុងការដោះស្រាយបញ្ចប់បញ្ហានោះ៕
គ្រោះថ្នាក់ម៉ូតូបុកម៉ូតូ២លើកនៅក្នុងខណ្ឌដូនពេញក្នុងពេលតែមួយ
0 Comments