កណ្តាល ៖ ប្រជាពលរដ្ឋមួយគ្រួសារ ក្នុងចំណោមគ្រួសារមួយចំនួនទៀត ដែលរងគ្រោះព្រោះការអភិវឌ្ឍន៍ ស្លាប ស្ពានខាងស្តាំព្រែកក្តាម បានតវ៉ាជំទាស់ទៅនឹងការផ្តល់សំណងពីអាជ្ញាធរ ដែលមានភាពមិនច្បាស់លាស់ និងមិនស្របតាមតម្លៃទីផ្សារដែល ទាបបំផុតផងនោះ។
អ្នកស្រី សូ ផល្លីយ៉ា ដែលជាគ្រួសារ រងគ្រោះរស់នៅភូមិទួលងោក ឃុំកំពង់ហ្លួង ស្រុកពញាឮ ខេត្ត កណ្តាល មានប្រសាសន៍ថា គម្រោងសាងសង់ស្លាបខាងជើងស្ពានព្រែកក្តាមនេះ បានប៉ះចំទៅលើលំនៅដ្ឋាន របស់គាត់ទាំងស្រុង ដែលជាការព្រួយបារម្ភថា គម្រោងនេះនឹងធ្វើឲ្យ បាត់បង់ដីធ្លីនិងផ្ទះសម្បែង ព្រមទាំង របរលក់ដូរនៅមុខផ្ទះទាំងអស់តែម្តង។ ហើយដោយសារមានការទាមទារ ពីគ្រួសាររងគ្រោះខាងលើបានធ្វើការទាមទារសំណងទៅតាមតម្លៃទីផ្សារ ដែលទាបបំផុត។ អ្នកស្រី សូ ផល្លី យ៉ា ម្ចាស់ផ្ទះខាងលើអះអាងថា ដីនិងលំនៅដ្ឋានទំហំ១០ម៉ែត្រគុណនឹង១៥ម៉ែត្រ យ៉ាងទាបបំផុតមាន តម្លៃ៣៨០០០ដុល្លារ ប៉ុន្តែបែរជាអាជ្ញាធរខេត្តផ្តល់សំណងត្រឹមតែ១ម៉ឺនដុល្លារ និងដីមួយកន្លែងនៅទីតាំង ផ្សេងប៉ុន្តែមិនទាន់បញ្ជាក់ច្បាស់ថាដី ផ្តល់សំណងនោះមានទីតាំងនៅចំណុចណានៅឡើយ។ ម្ចាស់ផ្ទះរងគ្រោះអះអាងថា គ្រួសារគាត់មិនជំទាស់ទៅនឹងគម្រោងអភិវឌ្ឍន៍របស់រដ្ឋាភិបាលនោះទេ តែសុំការអភិវឌ្ឍន៍ផ្តល់សំណងសមរម្យតែប៉ុណ្ណោះ។
យ៉ាងណាក៏ដោយ មន្ត្រីសាលាស្រុក ពញាឮសុំមិនបញ្ចេញឈ្មោះបាននិយាយអោយដឹងថា ករណីខាងលើ នេះមន្ត្រីអន្តរក្រសួងបានធ្វើការសម្របសម្របអស់ជាច្រើនលើកមកហើយហើយក្នុងចំណោម៨៨៣គ្រួសារ គេបានទទួលយកគោលនយោបាយ ផ្តល់សំណងនិងថវិការដ្ឋអស់ទៅហើយក្នុងតម្លៃមធ្យម២០០០ទៅ៣០០០ ដុល្លារនិងដីសំណង៧គុណនឹង១៥ម៉ែត្រនៅភូមិស្លែងដីដុះ ឃុំព្រែកតា ទែន ប៉ុន្តែសម្រាប់មានគ្រួសារមួយប៉ុណ្ណោះដែលមិនព្រមហើយ មិនចង់ឲ្យមានការថ្នាំងថ្នាក់រដ្ឋាភិបាល បានសម្រេច ផ្តល់សំណងធំជាងគេ ១០គុណនឹង ១៥ នៅភូមិឃុំខាងលើ ហើយបាន ផ្តល់សំណងរុះរើច្រើនជាងគេ ១ម៉ឺន ដុល្លាឯណោះ តែគាត់នៅតែមិនទទួលយក ដែលធ្វើឲ្យមានការប្តឹង ផ្តល់ទៅតុលាការ ហើយតុលាការនឹង ចុះអនុវត្តដីការុះរើនៅថ្ងៃទី២៦ ខែសីហា ឆ្នាំ២០១៥នេះ។ លោក ម៉ែន មករា មន្ត្រីសម្របសម្រួល សមាគមន៍ អាដហុកដែលបានចុះឃ្លាំមើលករណីវិវាទរវាងពលរដ្ឋនិងអាជ្ញាធរខាងលើនេះបានឲ្យដឹងថា បើយោងតាមច្បាប់អស្សាមិករណ៍ មាត្រា៤បាន ចែងថា ការដកហូតកម្មសិទ្ធិបើអចលនវត្ថុ អចលវត្ថុរបស់បុគ្គលដីគឺបុគ្គលឯកជននឹងនិងបុគ្គលសាធារណៈរួមមានដីសំណង់នឹងដំណាំដាំដុះសម្រាប់បម្រើការស្ថាបនាស្ពាននឹងពង្រីកហេដ្ឋារចនាសម្ព័ន្ធរូបវត្តសាធារណៈដែលបម្រើប្រយោជន៍ជាតិព្រមទាំងផ្តល់នូវសំណងជាមុនដោយសមរម្យនិងយុត្តិធម៌៕
ពលរដ្ឋរងគ្រោះជំទាស់ការផ្តល់សំណង់សាងសង់ស្លាបស្ពានព្រែកក្តាម
0 Comments