ភ្នំពេញ ៖ នៅអគារប៉ាស្ត័រសង្កាត់ជ្រោយចង្វារ កាលពីរសៀលថ្ងៃទី១ខែសីហាឆ្នាំ២០១៥ លោកឡេងប៊ុនតេងប្រធានក្រុមការងារចុះជួយសង្កាត់ជ្រោយចង្វារបានដឹកនាំក្រុមការងារនិងមន្ត្រីសង្កាត់ ភូមិចុះពិនិត្យការដាក់ប្រពន្ធ័លូនិងការធ្វើផ្លូវបេតុងមួយខ្សែព្រមទាំងសំណេះសំណាល ជាមួយបងប្អូនប្រជាពលរដ្ឋដែលនៅអមសងខាងផ្លូវនោះឱ្យមានការយោគយល់ខណៈធ្វើផ្លូវមានការប៉ះពាល់បន្តិចបន្តួច ។
នាឱកាសនោះលោក សុខណារីចៅសង្កាត់ជ្រោយចង្វារស្តីទី បានអានសេចក្តីជូនដំណឹង ដែលស្តីអំពីការធ្វើផ្លូវនិងដាក់ប្រពន្ធ័ថ្មីជាអំណោយរបស់លោកឡេងប៊ុនតេងទីប្រឹក្សាសម្តេចវិបុលសេនាសាយឈុំ ដោយសុំឱ្យបងប្អូនដែលរស់នៅសងខាងផ្លូវកុំ តយ៉ាកមកលើផ្លូវឬចាក់បេតុងជម្រាលហៀរចូលផ្លូវបណ្តាលឱ្យស្ទះផ្លូវទឹកហូរចូលលូធ្វើឱ្យផ្លូវរួមតូច និងបះពាល់ដល់ការធ្វើដំណើររបស់បងប្អូន។
លោក ឡេងប៊ុនតេង ក៏បានធ្វើការសំណេះសំណាលជាមួយបងប្អូនដែលទទួលបានផ្លូវបេតុងល្អថ្មី ដោយសំណូមពរដល់បងប្អូនឱ្យមានការយោគយល់ដល់ក្រុមកម្មកដែលធ្វើផ្លូវមានការប៉ះពាល់បន្តិចបន្តួចខណៈកំពុងតែធ្វើព្រោះពេលធ្វើហើយនឹងលែងពិបាកធ្វើដំណើរដូចមុនទៀតហើយ ។
លោក ឡេង ប៊ុនតេងក៏បានលើកឡើងអំពីភូមិសង្កាត់មានសុវត្ថភាព និងការងារសន្តិសុខផ្សេងៗ ក៏ដូចជាសេវាសាធារណៈ ធ្វើសៀវភៅស្នាក់នៅ បណ្ណ័គ្រួសារនិងអត្តសញ្ញាណប័ណ្ណជាដើម បើមានការអីសូមទំនាក់ទំនងទៅសង្កាត់បើគេយកលុយសូមប្រាប់លោកលោកនឹងជួយអន្តរាគមភ្លាម ។ នាឱកាសនោះដែរលោកក៏បានឱ្យមន្ត្រីពាក់ពន្ធ័ឡើងប្តេជ្ញាចិត្ត ធ្វើការបំរើប្រជាជនឱ្យបានល្អ ជៀសវាងធ្វើឫកក្រអឺតក្រទមជាមួយប្រជាពលរដ្ឋដែលជាម្ចាស់ឆ្នោត ។
សូមបញ្ជាក់ថា ផ្លូវមួយខ្សែហៅថាផ្លូវវត្តចាស់មានប្រវែង៤៥៨ម៉ែត្រ និងប្រពន្ធ័លូមួយខ្សែប្រវែង៦៦១ម៉ែត្រស្ថិតនៅភូមិ២សង្កាត់ជ្រោយចង្វារ ខណ្ឌជ្រោយចង្វារ ដែលពីមុនបងប្អូនពិបាកក្នុងការ ធ្វើដំណើរ ត្រូវបានលោកឡេងប៊ុនតេងនិងក្រុមការកាងារចុះជួយសង្កាត់យកចិត្តទុកដាក់ ចេញឋវិការផ្ទាល់ខ្លួនជួយធ្វើផ្លូវនិងលូ សរុបទឹកប្រាក់ អស់៥៥៦០០ដូល្លារ ហើយផ្លូវមួយខ្សែនេះស្ថាបនាបានប្រហែល៥០ភាគរយហើយ នៅសល់ពាក់កណ្តាលទៀតនឹងស្ថាបនារួចរាល់នៅពាក់កណ្តាលខែសីហាឆ្នាំ២០១៥នេះ ។
ជាមួយគ្នានោះលោកឡេងប៊ុនតេង ក៏បានដាក់ម៉ូទ័របូមទឹកនិងម៉ាស៊ីនបូមទឹកចំនួន៣គ្រឿងដើម្បីរំដោះទឹកភ្លៀងដែលតែងតែលិចនៅភូមិ២និងភូមិ៣នៅរដូវវស្សានេះផងដែរ ។
ប្រជាពលរដ្ឋដែលបានចូលរួមនាឱកាសនោះបានសំដែងការសប្បាយរីករាយនិងថ្លែងអំណរគុណយ៉ាងជ្រាលជ្រៅដល់ក្រុមការងារដែលបានយកចិត្តទុកដាក់ដល់ពួកគាត់ដែលជួបការលំបាកផ្សេងៗ ៕
លោក ឡេង ប៊ុនតេង ចុះពិនិត្យផ្លូវបេតុង១ខ្សែ និងសំណេះ សំណាលជាមួយប្រជាពលរដ្ឋ
0 Comments