ភ្នំពេញ ៖ កម្លាំងកងរាជអាវុធហត្ថខណ្ឌមានជ័យបានឃាត់ខ្លួនបានជនសង្ស័យឆក់កាបូបចំនួនម្នាក់ ដោយដកហូតយកបានកាបូបមកវិញ និងរឹបអូសម៉ូតូសម្រាប់ធ្វើសកម្មភាពមួយគ្រឿង។
ហេតុការណ៍នេះបានកើតឡើងនៅវេលាម៉ោង១១និង៣៥នាទី ថ្ងៃទី២២ ខែសីហា ឆ្នាំ២០១៥ នៅចំណុចភូមិទ្រា២ សង្កាត់ស្ទឹងមានជ័យ។
ជនសង្ស័យ ដែលត្រូវឃាត់ខ្លួននោះមានឈ្មោះ អ៊ុច រ៉ាភេទប្រុសអាយុ៣១ឆ្នាំ មុខរបរ និងទីលំនៅមិនពិតប្រាកដ។ នៅក្នុងការឃាត់ខ្លួននេះកម្លាំងអាវុធហត្ថបានដកហូត កាបូបយួរ២ មានផ្ទុកដោយគ្រឿងផាត់មុខមួយចំនួន និងម៉ូតូស្កូពីពណ៌សមួយគ្រឿង។
បច្ចុប្បន្ន ជនសង្ស័យត្រូវបាននាំខ្លួនទៅសាកសួរ។ ប៉ុន្តែជនសង្ស័យនិយាយមិន ដឹងអី បែកថ្នាំ ក្តៅខ្លាំង កំពុងដេក ដាក់ក្បាលក្នុងរ៉ូប៊ីនេទឹក៕
ឆក់កាបូបគេ ពេលអាវុធហត្ថឃាត់ខ្លួនយកទៅសួរនាំ រត់ទៅដេកក្នុងរ៉ូប៊ីនេទឹក
0 Comments