កីឡាករ Carlos Tevezបាននិយាយថា លោកនឹងមិនលេងជាមួយក្រុមជម្រើសជាតិអាហ្សង់ទីនម្តងទៀតជាដាច់ខាត ប្រសិនបើគាត់ក្លាយជាកម្មវត្ថុនៃការមាក់ងាយ ដូចអ្វីដែលកីឡាករ Lionel Messi ទទួលរងនៅក្នុងប្រទេសកំណើតរបស់គាត់នោះ។
គួរឲ្យដឹងថា សកម្មភាពលេងរបស់កីឡាករ Lionel Messi ឲ្យប្រទេសរបស់លោកអំឡុងការប្រកួត Copa America ត្រូវបានគេថ្កោលទោស និងរងការរិះគន់យ៉ាងខ្លាំងពីក្រុមអ្នកគាំទ្រ ខណៈដែលវីរបុរសបាល់ទាត់គឺលោក Diego Maradona និងគ្រូបង្វឹកក្រុមជម្រើសជាតិអាហ្សង់ទីនគឺលោក Tata Martino ថែមទាំងបានចោទសួរពីការតាំងចិត្តរបស់គាត់ជាមួយក្រុមជម្រើសជាតិទៀតផង។
ទោះបីជាយ៉ាងណាក៏ដោយ កីឡាករ Tevez បានប្រតិកម្មយ៉ាងខ្លាំងចំពោះការរិះគន់ទាំងនេះ ហើយគាត់ថែមទាំងបានជំរុញឲ្យមិត្តរួមជាតិវ័យ២៨ឆ្នាំម្នាក់នេះ បន្តដឹកនាំក្រុមរបស់គាត់តទៅទៀត។
លោកបាននិយាយប្រាប់ស្ថានីយទូរទស្សន៍ Americaថា បើលោកជាកីឡាករ Messiហើយត្រូវស្តាប់ការមាក់ងាយទាំងនេះ នោះលោកនឹងនិយាយប្រាប់ក្រុមជម្រើសជាតិអាហ្សង់ទីន ថាឲ្យចុះនរកទៅ!៕
កីឡាករ Carlos Tevez ៖ បើលោកជា Messiនឹងមិនអាចលេងឲ្យអាហ្សង់ទីនបានទៀតទេ
0 Comments