តាមប្រភពព័ត៌មានពីប្រព័ន្ធផ្សព្វផ្សាយព័ត៌មានតារានៅប្រទេសកូរ៉េបានឲ្យដឹងថា ក្រុមតារាចម្រៀងស្រី Girls ‘Generationបានជួបហេតុការណ៍គ្រោះថ្នាក់ចរាចរណ៍ ខណៈពេល ធ្វើដំណើរទៅកាន់ ក្រុមហ៊ុនស្ទូឌីយោ CJ E & M សម្រាប់សម្ដែងក្នុងកម្មវិធី M ! Countdown។
ប្រព័ន្ធផ្សព្វផ្សាយបានរាយការណ៍រៀបរាប់បញ្ជាក់ឲ្យដឹងទៀតថា ក្រុមតារាចម្រៀងស្រី Girls ‘Generation បានធ្វើដំណើរទៅសម្ដែងក្នុងកម្មវិធី M ! Countdownលើដងវិថីមួយ ដោយឡានរបស់ពួកគេបានបុកជាមួយរថយន្តមួយផ្សេងទៀតដែលនៅពីមុខ ខណៈពេលកំពុងបើកបរ ។
ដោយឡែកចំពោះហេតុការណ៍មួយនេះ ផលិតកម្មSMក៏បានបង្ហាញសេចក្ដីថ្លែងការណ៍មួយ ដោយបានរៀបរាប់ថា “សមាជិកក្នុងក្រុមទាំងអស់មិនមានរងរបួសអ្វីនោះឡើយ ហើយពួកគេក៏បានបញ្ចប់ការសម្ដែងរបស់ពួកគេបានទាំងរលូនផងដែរ”៕
ក្រុមGirls 'Generationជួបគ្រោះថ្នាក់ចរាចរណ៍ ខណៈដែលធ្វើដំណើរទៅកម្មវិធី M ! Countdown
0 Comments