កញ្ញា Park Jiyeon ដែលជាតារាចម្រៀងនិងតារាសម្តែងកូរ៉េស្រី វ័យក្មេង អាយុ ២២ឆ្នាំ និងជាសមាជិកក្រុម T-ARA ថ្មីៗនេះ បើតាមបណ្តាញគេហទំព័របានឲ្យដឹងថា កញ្ញាទទួលបានការគាំទ្រកើនឡើងជាលំដាប់ពីសំណាកមហាជនក៏ដូចជាអ្នកគាំទ្ររូបនាងផងដែរ។
តាមប្រភពដដែលបានឲ្យដឹងទៀតថា ចាប់តាំងតារាស្រីរូបនេះបានចេញអាល់បុម SOLO លើកដំបូងរបស់ខ្លួន និងជាពិធីការនីប្រចាំកម្មវិធី THE SHOW នៅឆ្នាំ២០១៤ រហូតមកដល់ពាក់កណ្ដាលឆ្នាំ ២០១៥នេះ គេបានសង្កេតឃើញថា ចំនួនអ្នកគាំទ្ររបស់នាងបានកើនឡើងបន្តិចម្តង។
គួរបញ្ជាក់ផងដែរថា ថ្មីៗនេះ កញ្ញា Park Jiyeon បានចូលរួមថតខ្សែភាពយន្តថ្មីមួយដែលមានចំណងជើងថា 《Encounter》ដែលនឹងចាក់បញ្ចាំងនៅខែតុលាខាងមុខនេះ។
កញ្ញា និងសមាជិកក្រុមទាំង៥នាក់ទៀតបានចេញនូវ MV ថ្មីកាលពីថ្ងៃទី៤ ខែសីហា កន្លងមកនេះ ដែលមានចំណងជើងថា 《So Crazy》។ចំពោះ MV មួយនេះបានធ្វើឲអ្នកទស្សនាជក់ចិត្ត ហើយប្លែកអារម្មណ៍ និងទទួលការស្វាគមន៍យ៉ាងច្រើនគួរឲ្យកត់សម្គាល់ផងដែរ។
សូមមិត្តអានទស្សនា វីដេអូ ជាមួយកម្ពុជាថ្មីដូចតទៅ៖
វីដេអូនៅក្រោយឆាក របស់រឿង 《Encounter》
MV 《So Crazy》
អ្នកគាំទ្ររបស់ Park Jiyeon កើនឡើងជាលំដាប់
0 Comments