ក្រោយពីចេញអាល់ប៊ុមមិនទាន់បានប៉ុន្មានផង ស្រាប់តែថ្មីៗនេះ បានលេចចេញព័ត៌មានមួយថា អ្នកគាំទ្ររបស់EXOជាច្រើនបានសម្តែងការមិនពេញចិត្តជាខ្លាំង ថែមទាំងយល់ថា លោកជាមនុស្សចិត្តត្រជាក់ ចំពោះ Lyric នៅក្នុងបទចម្រៀងមួយបទ នៃអាល់ប៊ុម SOLO របស់លោក ពួកគេបានប្រទះឃើញថា Lyric ២ឃ្លាដែល សរសេរថាៈ ” 過去的那部分記憶，不想再回想起來了, 真心換真心，可以相信嗎？哪裡 哪裡？”មានន័យថា “មិនចង់គិតនូវអ្វីដែលកន្លង ចិត្តស្មោះប្តូរចិត្តស្មោះ តើអាចជឿបានទេ? នៅទីណា? នៅទីណា?” ប្រយោគទាំង២ឃ្លានេះបានធ្វើឲ្យអ្នកគាំទ្រយល់ថា៖ លោករមិលគុណ ដល់ត្រើយសោយគូទ ហើយបានចោទសួរទៅលោកទៀតថា ៖ តើលោកបានទុកមនោសញ្ចេតនាបងប្អូននៅឯណា?
មិនត្រឹមតែប៉ុណ្ណោះ នៅមានអ្នកគាំទ្រ EXO មិនតិចទេ បានបញ្ចេញមតិទៅលើព័ត៌មានមួយនេះដោយបានសរសេរថា “ Lyric មិនសំខាន់ អ្វីដែលសំខាន់គឺ ម្ចាស់ Lyric មួយនេះ”។ អ្នកខ្លះទៀតបានសរសេរថា “ចិត្តរបស់លោកត្រូវបានឆ្កែស៊ីបាត់ហើយ??!“
យ៉ាងណាមិញ លោកហ្វាងជឺថាវ នៅតែមិនទាន់បានឆ្លើយតប និងបកស្រាយចំពោះរឿងនេះនៅឡើយទេ៕
បទចម្រៀងថ្មីរបស់ហ្វាង ជឺថាវ (TAO) រងការវាយប្រហារពីអ្នកគាំទ្រEXO
 រងការវាយប្រហារពីអ្នកគាំទ្រEXO){kind=link}
0 Comments