តារាសម្តែងនិង ពិធីករប្រុសសម្លេងក្រអួនក្រអៅលោក សាយ រតនៈ មុននេះត្រូវគេមើលឃើញថា លោកមិនត្រឹមតែទទួលបាននូវភាពជោគជ័យពីអាជីពសិល្បៈទេថែមទាំងបង្កើននូវភាពល្បីល្បាញបានកាន់តែខ្លាំងរហូតត្រូវបានទស្សនិកជនទទួលស្គាល់និងគាំទ្រស្ទើរគ្រប់ស្រទាប់វណ្ណៈ។
ខណៈពេលដែលកំពុងតែជោគជ័យក្នុងអាជីពសម្តែងនិងធ្វើជាពិធីករក៏ត្រូវបានមហាជនអ្នកគាំទ្រមជ្ឈដ្ឋានខាងក្រៅមើលឃើញថា តារាប្រុសរូបនេះក៏បានជួបប្រទះរឿងអាស្រូវជីវិតស្នេហាខាងក្រៅស្ទើរតែងើបមុខមិនរួចផងដែរស្របពេលថ្មីៗនេះក៏ធ្លាយដំណឹងថា លោក សាយ រតនៈ ធ្វើឲ្យនិស្សិតស្រីមានផ្ទៃពោះរួចបោះបង់ចោលត្រូវគេទម្លាយបកអាក្រាតតាមហ្វេសប៊ុក។
ជុំវិញនឹងរឿងរ៉ាវនេះសុទ្ធតែជាព័ត៌មានប៉ះពាល់ជាមួយកិត្តិយស និងកេរ្តិ៍ឈ្មោះដោយហេតុថាតារារូបនេះមានទំនាក់ទំនងស្នេហាស៊ីជម្រៅរហូតបានខ្លួនប្រាណនឹងធ្វើឲ្យនិស្សិតម្នាក់នោះមានកូនប៉ុន្តែផ្ទុយទៅវិញបែរដោះដៃមិនទទួលស្គាល់ថែមទាំងបង្ខំឲ្យនាងទម្លាក់កូនក្នុងផ្ទៃចេញទៀត។
ឆ្លើយតបទៅនឹងសាច់រឿងខាងលើភ្លាមៗនេះដែរគេបានឃើញពិធីករលោក សាយ រតនៈ បានចេញមុខសរសេរបង្ហោះសារប្រតិកម្មលើទំព័រហ្វេសប៊ុកផ្ទាល់ខ្លួនថាខ្ញុំសាយ រតនៈ កូនប្រុសទ្រូង៥ហត្ថហ៊ានស៊ីត្រូវហ៊ានសងហ៊ានធ្វើត្រូវហ៊ាទទួល…!មាសសុទ្ធមិនខ្លាចភ្លើង..!។
លោក សាយ រតនៈ បានបញ្ជាក់ថា ខ្ញុំតែងតែសន្សំសេចក្តីសុខជាមួយមនុស្សទូទៅហេតុអ្វីអ្នកចង់បំផ្លាញខ្ញុំ?ហេតុអ្វីចេះតែប្រឌិតនិងបង្ខូចកេរ្តិ៍ឈ្មោះខ្ញុំអញ្ចឹង???អ្នកមានសារធាតុជាមនុស្សទេ? សូមប្រាប់អ្នកថា ក្នុងមួយជីវិតខ្ញុំនេះខ្ញុំមិនធ្វើរឿងថោកទាបដូចអ្នកប្រឌិតឡើយ…រឿងនេះអ្នកបានបង្ខូចកេរ្តិ៍ឈ្មោះខ្ញុំតាំងពីជាង២ឆ្នាំមុនមកម្ល៉េះឥឡូវអ្នកធ្វើទៀត…សូមជូនពរអោយអ្នកទទួលបានផលបាបដែលអ្នកបានសាង…។
កម្ពុជាថ្មីនៅរសៀលថ្ងៃទី១៧ ខែកក្កដា ឆ្នាំ២០១៥នេះបានព្យាយាមទំនាក់ទំនងដើម្បីសុំការបកស្រាយបន្ថែមពីសំណាក់ពិធីករលោក សាយ រតនៈ ដែរប៉ុន្តែលេខទូរស័ព្ទលោក មិនអាចទាក់ទងបានឡើយ៕
សាយ រតនៈ ត្រូវគេទម្លាយរឿងធ្វើឲ្យនិស្សិតស្រីមានផ្ទៃពោះជាថ្មី
0 Comments