ប៉ែន តុលាជាអតីតគូដណ្តឹងភិន សុដាលីស ត្រូវបានគេដឹងថានៅតែចិញ្ចឹមចិត្តស្រឡាញ់ព្រមទាំងព្យាយាមចង់ត្រូវរ៉ូវជាមួយកញ្ញា ភិន សុដាលីស ទោះជាភាគីខាងស្រីបានប្រកាន់ចិត្តខឹងនឹងលោកយ៉ាងណាក៏ដោយ។ លោក ប៉ែន តុលាបានធ្លាប់អះអាងថា លោកនៅតែរក្សាចិញ្ចឹមចិត្តស្រឡាញ់គូដណ្តឹងគ្មានចិត្តរាថយទេ ព្រោះលោកបានស្រឡាញ់តែដាលីសម្នាក់ ទោះជាពេលនេះចំណងស្នេហ៍របស់លោកមិនទាន់ផ្សះផ្សាក៏ដោយ តែក្តីស្រឡាញ់ចំពោះនាងនៅពេញបេះដូងដដែលគ្មានថ្ងៃកែប្រែបានឡើយ។
លោកប៉ែន តុលាឲ្យដឹងទៀតថា រហូតមកដល់ពេលនេះលោកនៅមិនទាន់ដឹងច្បាស់ទេថាចិត្តភិន សុដាលីស ព្រមលើកលែងទោសឲ្យលោកឬទេ មកដល់ពេលនេះហើយនាងនៅតែប្រកាន់ខឹងមិនព្រមនិយាយជាមួយនឹងលោក ហើយអ្វីដែលលោកអាចធ្វើបាននៅពេលនេះគឺបង្ហាញវត្តមានជាមនុស្សថ្មីខុសពីមុនមិនឆេវឆាវមិនធ្វើអ្វីឲ្យនាងខឹងតទៅទៀតនោះទេ ទោះបីយ៉ាងណាតារាសម្តែងរូបនេះបានឲ្យដឹងថា ចំណងស្នេហ៍រវាងនាងនិងអតីតគូដណ្តឹងលោកប៉ែន តុលា មិនអាចថយក្រោយបានឡើយ។
ទាក់ទងរឿងនេះភិន សុដាលីសឲ្យដឹងដែរថា ក្រោយពីបែកពីអតីតគូដណ្តឹងដែលធ្លាប់បណ្តើរ គ្នានោះ នាងក៏មិនទាន់គិតគូររកស្នេហាថ្មីដែរ ខណៈនាងត្រូវចំណាយពេលជាច្រើននឹងការងារសិល្បៈព្រោះបច្ចុប្បន្ននេះនាងត្រូវថតខ្សែភាពយន្តភាគ-ខ្នាតធំ មិនតិចជាង៣រឿងទេ ក្នុងពេលតែមួយ រួមនឹងការសិក្សាផងដែរ។ ក្រៅពីនេះភិន សុដាលីស ត្រូវការពេលវេលាហ្វឹកហាត់ការងារថ្មីមួយទៀតជាពិធីការិនីសម្រាប់ទូរទស្សន៍ PNN ដែលនឹងចូលកាន់តំណែងឆាប់ៗនេះហើយសម្រាប់គូដណ្តឹងនេះពិតជាមិនអាចវិលរកភាពដូចដើមបានទេ។
ទោះបីយ៉ាងណាភិន សុដាលីសបានកែប្រែអត្តចរិតឈប់រវីរវល់នឹងលោកប៉ែន តុលាក្តីក៏លោកប៉ែន តុលាមានការកក់ក្តៅផងដែរព្រោះត្រូវបានលោកអ៊ិន សុភិន ជាអតីតឪពុកក្មេកស្រឡាញ់ពេញចិត្តរាប់អានជាកូនធម៌និងអនុញ្ញាតឲ្យតុលារស់នៅក្នុងផ្ទះជាមួយគ្នាដូចកូនបង្កើតព្រមទាំងប្រគល់ការងារជួយចាត់ចែងជំនួសលោកអ៊ិន សុភិនជាអតីតឪពុកក្មេកផងដែរ៕
ភិន សុដាលីស អតីតគូដណ្ដឹងមិនដាច់អាល័យ
0 Comments