តាមប្រភពព័ត៌មានពីប្រទេសតៃវ៉ាន់បានឲ្យដឹងថា កាលប៉ុន្មានថ្ងៃកន្លងមកនេះ តារាចម្រៀងស្រីរូបនេះ បានចេញនូវMVថ្មីមួយ ដែលជាស្នាដៃរបស់នាងផ្ទាល់ ទាំងទំនុកច្រៀង និងចង្វាក់ភ្លេងផងដែរ។ ប៉ុន្តែមិនបានប៉ុន្មានថ្ងៃផង ស្រាប់តែនាងបានត្រូវមហាជនជាច្រើន ថា ចម្លងតាមMV ចាស់របស់តារាចម្រៀង Katy Perry 《Firework》ក៏ដូចជាសកម្មភាពមួយចំនួន ទាំងការតុបតែងខ្លួនស្រដៀងគ្នាក្នុង MV《Last Friday Night》និង គម្របរូបភាពចំណងជើងមានលក្ខណៈស្រដៀងគ្នាមែនទែនក្នុងអាល់បុម《PRISM》របស់ Katy Perry ដែលជាហេតុធ្វើឲ្យ MVរបស់កញ្ញា តឹង ជឺឈី រងការរិះគន់ថា “ចម្លងពីគេមកធ្វើជារបស់ខ្លួន”។
ជាក់ស្តែងប្រិយមិត្តនៅតាមបណ្តាញគេហទំព័រ បានយករូបមួយចំនួនដែលមានលក្ខណៈស្រដៀងគ្នា នៅក្នុងMVមកកាត់តបញ្ចូលគ្នាផងដែរ។
ចំពោះព័ត៌មាននេះ កញ្ញា តឹង ជឺឈី បានបកស្រាយដល់អ្នកសារព័ត៌មានតាមរយៈទូរស័ព្ទ ដោយបាននិយាយថា “វាគឺជាពាក្យចចាមអារ៉ាមដែលស្ដាប់ទៅគ្មានអារម្មណ៍ និងមិនចាំបាច់ទទួលការបកស្រាយច្រើននោះឡើយ ព្រោះអ្នកគាំទ្ររបស់នាងខ្ញុំបានរកឃើញនូវចម្លើយពិតប្រាកដហើយ គឺ ខ្ញុំគ្រាន់តែបន្តធ្វើការងាររបស់ខ្ញុំឲ្យបានល្អតែប៉ុណ្ណោះ”៕
MVថ្មីរបស់តឹង ជឺឈី ត្រូវមហាជនរិះគន់ថាចម្លងតាម KATY PERRY
0 Comments