បន្ទាយមានជ័យ ៖ ប្រធានក្រុមការងារគណៈកម្មការកណ្តាលចុះជួយខេត្តបន្ទាយមានជ័យលោក ឧបនាយករដ្ឋមន្ត្រី កែ គឹម យ៉ាន សម្រាប់ផ្ទះប្រជាពលរដ្ឋប្រក់ស្បូវឬស្លឹកមានស្ថានភាពមិនសមរម្យលោកនិងផ្លាស់ប្តូរទៅជាផ្ទះប្រក់ស័ង្កសីជំនួសវិញដែលមានចំនួនជាងមួយពាន់ខ្នងផ្ទះឲ្យហើយមុនឧកាសចូលឆ្នាំខ្មែរខាងមុខ។
ការលើកទ្បើងយ៉ាងនេះក្នុងឱកាសដែលលោកបានចូលរួមជាអធិបតីភាពក្នុងពិធីប្រជុំបូកសរុបត្រួតពិនិត្យការងាររៀបចំក្រុមបក្សតាមខ្នងផ្ទះនិងការគ្រប់គ្រងស្ថិតិខ្នងផ្ទះស្បូវទូទាំងខេត្តបន្ទាយមានជ័យ។
លោក អ៊ុង អឿន ប្រធានគណបក្សខេត្តបន្ទាយមានជ័យបានលើកឡើងថា ចំពោះមុខគណបក្សប្រជាជនខេត្តកំពុងឆ្ពោះទៅការរៀបចំក្រុមបកហសតាមខ្នងផ្ទះតាមការដឹកនាំណែនាំផ្ទាល់ពីលោកឧបនាយករដ្ឋមន្ត្រី កែ គឹមយ៉ាន ដើម្បី ឲ្យប្រសិទ្ធភាពនៃការគ្រប់គ្រងសមាជិកគណបកហសកាន់តែសីុជម្រៅ មានភាពសុក្រិតដែលអាចឲ្យគណបក្សគ្រប់គ្រងសមាជិកបានទាំងបរិមាណ គុណភាព និងពង្រឹងជំនឿលើការដឹកនាំរបស់គណបក្សតាមរយៈការជួយដល់ជនក្រីក្រកំពុងរស់នៅក្នុងផ្ទះស្បូវដែលលំបាកតោកយ៉ាក ឲ្យពួកគាត់មានជំរករស់នៅបានគត់មត់សមរម្យដែលគណបក្សបានធ្វើនិងបន្តធ្វើទៅមុខទៀត គួបផ្សំនិងវិធានការផ្សេងៗទៀតដែលជាគុណប្រយោជន៍ដល់សង្គមជាតិ និងជីវភាពរស់នៅប្រជាពលរដ្ឋសមស្របតាមពាក្យស្លោក គណបក្សប្រជាជនដោយសារប្រជាជននិងដើម្បីប្រជាជន ទីណាលំបាកទីនោះមានគណបក្សប្រជាជនកម្ពុជា ជាអ្នកជួយរែកពុន។ល។
ទាក់ទងនិងចំនួនផ្ទះស្បូវឬស្លឹកលោក អ៊ី ឡុង ជំនួស គណៈអចិន្ត្រៃយ៍បក្សប្រជាជនខេត្តបន្ទាយមានជ័យបានឲ្យដឹងថា តាមការស្រង់ស្ថិតិបានរកឃើញផ្ទះប្រក់ស្បូវ ស្លឹកសរុបមានចំនួន២៥២៣ខ្នងក្នុងនោះផ្ទះប្រក់ស្បូវម្ចាស់ជាប្រជាពលរដ្ឋក្រីក្រពិតប្រាកដហើយកំពុងរស់នៅមានចំនួន១៣៩៥ខ្នង ផ្ទះប្រក់ស្បូវដែលសង់គ្រាន់តែស្នាក់នៅបណ្តោះអាសន្នមានចំនួន៨៥០ខ្នងនិងផ្ទះប្រក់ស្បូវម្ចាស់ធ្វើចំណាក់ស្រុកដែលមិនអាចធ្វើសម្ភាសន៍បានចំនួន២៨៨ខ្នងដែលចំនួនទាំងអស់នេះមានក្នុងឃុំ សង្កាត់ នៃស្រុកក្រុងទាំង៩របស់ខេត្តបន្ទាយមានជ័យ។
លោក អាត់ ខែម ស្នងការនគរបាលខេត្តបន្ទាយមានជ័យនិងជាក្រុមការងារបក្សចុះជួយស្រុកស្វាយចេកបានឲ្យដឹងថា ឆ្លើយតបនិងវិធានការជួយដោះស្រាយការលំបាក់ជូនប្រជាពលរដ្ឋពីសំណាក់ឯកឧត្តមឧបនាយករដ្ឋមន្ត្រី កែ គឹមយ៉ាន លោកបានដឹកនាំកម្លាំងចុះជួយសាងសង់លំនៅដ្ឋានពលរដ្ឋពីផ្ទះស្បូវនិងផ្ទះទ្រុឌទ្រោមទៅជាផ្ទះប្រក់ស័ង្កសីនិងសងថ្មីបានចំនួន៧១ខ្នងដែលមួយខ្នងផ្ទះចំណាយយ៉ាងតិចមួយលាន់ពីសែនរៀល។
លោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារគណៈកម្មការកណ្តាលចុះជួយខេត្តបន្ទាយមានជ័យបានបញ្ជក់បន្ថែមទៀតថា ដើម្បីសម្រេចបានលទ្ធផលល្អក្នុងការប្រែក្លាយពីផ្ទះស្បូវទៅផ្ទះស័ង្កសី ឬផ្ទះថ្មីឲ្យប្រជាពលរដ្ឋទទួលបានលោកស្នើសុំឲ្យក្រុមការងារពិនិត្យនិងបែងចែកឲ្យបានច្បាស់ថា ពលរដ្ឋណាក្រីក្រគ្មានចំណូលដើម្បីបន្តដោះស្រាយជូនពួកគាត់នៅជំហានក្រោយ បន្ទាប់ពីរឿងប្រែក្លាយផ្ទះស្បូវទៅផ្ទះប្រក់ស័ង្កសីឲ្យអស់បានមុនចូលឆ្នាំខ្មែរខាងមុខ៕
ផ្ទះប្រក់ស្បូវឬស្លឹកនៅទូទាំងខេត្តបន្ទាយមានជ័យនិងត្រូវគណបក្សប្រជាជនសងជំនួសស័ង្កសីឬធ្វើថ្មីអោយរួចមុនចូលឆ្នាំខ្មែរ
0 Comments