ភ្នំពេញ ៖ រថយន្តCamry ឆ្លាមពណ៌ទឹកមាស មួយគ្រឿងបានរួញអស់ផ្នែកខាងមុខ បន្ទាប់ពីមានបុរសម្នាក់បើកជ្រុលចង្កូតទៅបុករបងផ្ទះប្រជាពលរដ្ឋទាំងកម្រាលនោះ ប៉ុន្តែសំណាងល្អមិនបង្កឲ្យគ្រោះថ្នាក់ដល់អ្នកដទៃនោះទេ។
ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង៣ទៀបភ្លឺ ថ្ងៃទី៣០ ខែកញ្ញា ឆ្នាំ២០១៥នៅត្រង់ចំណុចផ្ទះលេខ២៤៤ ផ្លូវលេខ១៣២ភូមិ៦ សង្កាត់ទឹកល្អក់ទី១ ខណ្ឌទួលគោក។
រថយន្តបង្កម៉ាកCamryឆ្លាមពណ៌ទឹកមាស ពាក់ស្លាកលេខភ្នំពេញ 2M4793 បើកបរដោយបុរសម្នាក់ឈ្មោះសាយ សុភាព អាយុ២៨ឆ្នាំ មានស្រុកកំណើត ខេត្តបាត់ដំបង។
សាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញរថយន្តបង្ក បើកតាមបណ្ដោយផ្លូវលេខ១៣២ ក្នុងទិសដៅពីលិចទៅកើត លុះបើកមកដល់ចំណុចខាងលើ ក៏បានជ្រុលទៅបុកផ្ទះតែម្តង។ ក្រោយកើតហេតុម្ចាស់រថយន្តបង្កបានគេចខ្លួនបាត់ ដោយបន្សល់ទុករថយន្តបង្ក នៅកន្លែងកើតហេតុ។
បច្ចុប្បន្នរថយន្តបង្កត្រូវបានកម្លាំងនគរបាលចរាចរណ៍យកទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីដោះស្រាយតាមច្បាប់៕
សង្ស័យម្ចាស់ស្រវឹងបើករថយន្តបុករបងផ្ទះប្រជាពលរដ្ឋ តែមិនមានអ្នករបួស
0 Comments