ពោធិ៍សាត់ ៖ បុរសម្នាក់បានទៅដេញក្របី បាត់មួយយប់ ព្រឹកឡើងស្រាប់តែត្រូវបានគេប្រទះឃើញអណ្ដែតទឹកស្លាប់បាត់ទៅហើយ។
ជនរងគ្រោះត្រូវបានប្រជាពលរដ្ឋប្រទះឃើញនៅវេលាម៉ោង១០ព្រឹកថ្ងៃទី១៩ ខេកញ្ញា ឆ្នាំ២០១៥នៅចំណុចតារាងបាល់ភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់។
ទេស សុផាន នាយករងប៉ុស្តិ៍រដ្ឋបាលឃុំឈើតុំ បានឲ្យដឹងថា ជនរងគ្រោះមានឈ្មោះសំបួនកៅ អាយុ៣៩ឆ្នាំ រស់នៅភូមិកើតហេតុខាងលើ។
លោកបានបន្តថា កាលពីល្ងាចថ្ងៃទី១៨ ខែកញ្ញា វេលាម៉ោង៥ល្ងាច ជនរងគ្រោះបានទៅដេញក្របីនៅចំណុចភូមិបំណក់ ខណៈទឹកកំពុងជន់ជោរ ហើយក៏ធ្លាក់ទឹកលង់ស្លាប់តែម្ដង។ លុះនៅព្រឹកថ្ងៃទី១៩ ខែកញ្ញានោះ ទើបប្រជាពលរដ្ឋប្រទះឃើញតែម្ដង។
ក្រោយពីធ្វើការពិនិត្យ និងកោសលវិច័យរួចមក សពត្រូវបានប្រគល់ឲ្យក្រុមគ្រួសារជនរងគ្រោះឲ្យធ្វើបុណ្យតាមប្រពៃណី៕
ទៅដេញក្របីបាត់មួយយប់ ព្រឹកឡើងប្រទះឃើញសពអណ្ដែតទឹក
0 Comments