កណ្ដាល៖ នៅម៉ោង ១៦:៤៥នាទី ថ្ងៃទី ៥ខែកញ្ញាឆ្នាំ២០១៥ មានករណីរថយន្តក្រឡាប់នៅចំណុចផ្លូវ សំពោង ភូមិ ព្រែកគង់រាជ ឃុំ ព្រែករ៉ៃ ស្រុកល្វាឯម ដែលបង្កអោយបុរសម្នាក់បានស្លាប់។ តាមការអោយដឹងពីកន្លែងកើតហេតុ ជនរងគ្រោះឈ្មោះ យន់ សុគន្ធ ភេទប្រុស អាយុ ៥១ឆ្នាំ មានទីលំនៅ ទីក្រុងភ្នំពេញ ហើយជាមន្ត្រី នគរបាលប៉ុស្តិ មិត្តភាព ខណ្ឌ័ ៧មករា រាជធានីភ្នំពេញ។
រថយន្តដែលក្រឡាបនោះម៉ាក កាមរីឆ្លាម ពណ៌ត្រីឆ្លូញ ផ្លាកលេខ មើលមិនឃើញព្រោះរថយន្តលិចក្នុងទឹក។ អ្នករាយការណ៍នៅកន្លែងកើតហេតុ បានបន្ថែមទៀតថា នៅព្រឹកថ្ងៃទី ៥ខែកញ្ញាឆ្នាំ២០១៥ ជនរងគ្រោះបានមកសួរសុខទុក្ខ ម្តាយឈឺនៅភូមិព្រែកគង់រាជ ឃុំព្រែករ៉ៃ ហើយបានបបួលមិត្តភក្តិ ហូបស្រានៅផ្ទះម្តាយលុះម៉ោងប្រមាណ ១៦:៣០ បានលាម្តាយទៅភ្នំពេញវិញ ដោយមានអាការៈស្រវឹង ហើយបានបើករថយន្តយ៉ាងលឿន លុះមកដល់ចំណុចកើតហេតុ ដែលជាទីវាលដាច់ស្រយាលគ្មានផ្ទះប្រជាជននៅ ក៍បានបើករេចង្កូត ជ្រុល ធ្លាក់ពីផ្លូវ ចូលទៅក្នុងទឹក បណ្ដាលឲ្យលិចរថយន្តក្នុងទឹក ស្លាប់តែម្តង។ សាកសពត្រូវបានប្រជាជន មកវាយបំបែកកញ្ចក់យកចេញ ហើយរងចាំសាច់ញាតិយកទៅធ្វើបុណ្យតាមប្រពៃណី។
សូមបងប្អូនទាំងអស់ ពេលស្រវឹង សូមកុំបើកបរ ព្រោះអាចបណ្ដាលអោយមាន គ្រោះថ្នាក់ដល់អាយុជីវិតរបស់អ្នក និងអ្នកដ៏ទៃ។
ស្រវឹងបើករថយន្ត ក្រឡាបធ្លាក់ចូល ប្រលាយទឹកស្លាប់
0 Comments