សូ ដានីតា ប្រតិកម្មលើករណីចុះផ្សាយទម្លាក់ការសង្ស័យសម្ព័ន្ធភាពស្នេហាជាមួយ យ៉ែម សំអូន

ភ្នំពេញ ៖ តារាសម្តែងស្រីតែងរងនូវព័ត៌មានអាស្រូវច្រើន សូ ដានីតា ថ្មីៗនេះ បានផ្ទុះប្រតិកម្មខ្លាំងៗលើករណីដែលត្រូវបានគេចុះផ្សាយដោយបានដាក់ការសង្ស័យជុំវិញរឿងរ៉ាវទំនាក់ទំនងស្នេហាជាតារាសម្តែងប្រុសលោក យ៉ែម សំអូន។ តាមរយៈការចុះផ្សាយនោះដែរ ត្រូវបានសាមីខ្លួនចាត់ទុកថាជាព័ត៌មានបំផ្លើសការពិត។

តារាស្រីចាស់វស្សា សូ ដានីតា និយាយថា នាងខ្ញុំ សូ ដានីតា ខ្ញុំរុញច្រានចោលនូវព័ត៌មាន១នេះ។ទី១-រឿងទំនាក់ទំនងស្នេហ៍ជាមួយបងអូន តែគេអាចចោទបានព្រោះតែភាពស្និទ្ធស្នាលរបស់ខ្ញុំជាមួយបងអូនដោយការរាប់អានដូចបងប្អូននឹង មិនមានការលាក់បាំងឡើយ។ តែទី២ ដែលថាខ្ញុំមានគូដណ្តឹងនៅប្រទេស(USA)អោយលុយ ឡាន ផ្ទះវិឡារ តាំងពីឆ្នាំ ២០១២ គឺមិនពិតឡើយ។

តារាសម្តែង សូ ដានីតា បន្តថា ក្នុងនាមជាអ្នកសារព័ត៌មាន មុននឹងនិយាយអ្វី គួររកការពិតសិន កុំអាងអ្វីនិយាយតាមចិត្តនឹកឃើញព្រោះកុំអាងយើងខ្ញុំ ដែលជាអ្នកសិល្បៈមិនតបតចេះតែអាងមកនិយាយតាមចិត្តពេក។ យើងខ្ញុំមិនចង់មានរឿងជាមួយសារព័ត៌មានឡើយ តែបើញឹកពេក ឬនិយាយមិនល្អច្រើនដងពេក។

បន្ថែមពីលើនេះស្រីស្រស់ សូ ដានីតា បានលើកឡើង ដោយការព្រមានថា ខ្ញុំក៏អាចប្តឹងបានដែរ ព្រោះពីបទបង្ខូចកេរ្តិ៍ឈ្មោះ។ ព័ត៌មាននេះ យូរបន្តិចមែន តែខ្ញុំទើបតែឃើញ តែខ្ញុំសុំហាមកុំចេះតែនិយាយដូចនេះទៀត។

សូមបញ្ជាក់ថា ការចេញមុខប្រតិកម្មរបស់តារាសម្តែង សូ ដានីតា ខាងលើនេះ បានធ្វើឡើង ខណៈដែលមានPageព័ត៌មានក្នុងស្រុកមួយបានសរសេរថា នាងមិនត្រឹមតែមានភាពស្និទ្ធខ្លាំងជាមួយតារាប្រុសលោក យ៉ែម សំអូន ប៉ុណ្ណោះទេគឺពួកគេថែមទាំងលួចមានទំនាក់ទំនងស្នេហាជាមួយគ្នាទៀតផង៕