ភ្នំពេញ ៖ ដោយសារតែមានការទុកចិត្តលើមិត្តភក្ដិជនរងគ្រោះ ម្ចាស់ម៉ូតូបានឲ្យជនសង្ស័យអង្គុយចាំម៉ូតូមួយភ្លែតដោយមានឱកាសជនសង្ស័យ បានលួចយកម៉ូតូពួកម៉ាកទៅលក់ឲ្យយុវនិស្សិតម្នាក់ទៀតលុះបាន២០ថ្ងៃក្រោយមកត្រូវបាននគរបាលចាប់ខ្លួនបាន ទាំងអ្នកលួចនិងអ្នកទិញបញ្ជូនឲ្យទៅដោះស្រាយគ្នានៅតុលាការចុះ។
ការឃាត់ខ្លួននេះធ្វើឡើងជាបន្តបន្ទាប់ ក្រោយពីជនរងគ្រោះរកឃើញជនសង្ស័យដោយចៃដន្យកាលពីយប់ថ្ងៃទី២០ ខែកញ្ញា ឆ្នាំ២០១៥នៅក្នុងសង្កាត់ទឹកល្អក់ទី៣ ខណ្ឌទួលគោកតែដោយសារករណីនេះកើតហេតុនៅសង្កាត់ចោមចៅ ទើបបញ្ជូនមកកាន់ទឹកដីកើតហេតុវិញ។
ជនសង្ស័យជាអ្នកលួចម៉ូតូមានឈ្មោះគឿន ឌីណាភេទប្រុសអាយុ២៥ឆ្នាំមុខរបរកម្មករសំណង់ស្នាក់នៅក្នុងការដ្ឋានសំណង់នៅក្នុងសង្កាត់ស្ទឹងមានជ័យ។ ជនសង្ស័យអ្នកទិញមានឈ្មោះអ៊ុង ហ៊ីងភេទប្រុសអាយុ២៤ឆ្នាំជានិស្សិតស្នាក់នៅសង្កាត់ទឹកល្អក់ទី៣ ខណ្ឌទួលគោក។ រីឯម្ចាស់ម៉ូតូមានឈ្មោះប៉ែន ដូរ៉ាភេទប្រុសអាយុ២២ឆ្នាំមុខរបរបើកបររថយន្តស្នាក់នៅក្នុងសង្កាត់បឹងសាឡាងខណ្ឌទួលគោក។ ម៉ូតូដែលចោរលួចនោះម៉ាកហុងដាឌ្រីមសេ១២៥ពណ៌ខ្មៅស៊េរី ឆ្នាំ២០០៨ពាក់ស្លាកលេខតាកែវ1B1286 ។
តមប្រភពព័ត៌មានបានឲ្យដឹងថា កាលពីថ្ងៃទី១ខែកញ្ញាកន្លងទៅ២០ថ្ងៃមុននេះជនរងគ្រោះម្ចាស់ម៉ូតូបានដឹកជនសង្ស័យជាមិត្តភក្ដិមកលេងផ្ទះ បងនៅម្ដុំរោងចក្រដំបូលខៀវនៅណេលមកដល់ជនរងគ្រោះបានចតម៉ូតូទុកនៅខាងក្រោមទុកឲ្យជនសង្ស័យអង្គុយចាំមួយភ្លែតហើយខ្លួនជនរងគ្រោះបាមដើរឡើងទៅជួបបងរបស់ខ្លួនមួយភ្លែតនៅពេល ចុះមកវិញស្រាប់តែបាត់ម៉ូតូនិងមនុស្សមិនដឹងទៅទីណាបន្ទាប់មកបានមកដាក់ពាក្យបណ្ដឹងនៅប៉ុស្តិ៍ចោមចៅ។
ប្រភពបន្តថា លុះមកដល់យប់ថ្ងៃទី២០ខែកញ្ញានេះជនរងគ្រោះ បានឃើញជនសង្ស័យដោយចៃដន្យនៅក្នុងខណ្ឌទួលគោកហើយបាននាំមកកាន់ប៉ុស្តិ៍ចោមចៅជាកន្លែងកើតហេតុ។ ក្រោយពីនគរបាលសាកសួរជនសង្ស័យរូបនេះបានឆ្លើយប្រាប់ថា ខ្លួនបានយកម៉ូតូនេះទៅលក់ឲ្យគេទើបនគរបាលបាននាំទៅឃាត់ខ្លួនអ្នកទិញនោះមកទៀត ដើម្បីកសាងសំណុំរឿងប្រគល់ឲ្យខាងតុលាការចាត់ការតាមនីតិវិធី៕
លួចម៉ូតូពួកម៉ាកលក់ឲ្យនិស្សិតម្នាក់ នគរបាលចាប់ទាំងអ្នកលួចនិងអ្នកទិញ
0 Comments