ភ្នំពេញ៖ ដើម្បីដោះស្រាយបញ្ហាលិចលង់ ដោយជំនន់ទឹកភ្លៀង សាលារាជធានីភ្នំពេញ ក្រោមការដឹកនាំរបស់លោក ប៉ា សុជាតិវង្ស បានដាក់ចេញជាផែនការអាទិភាពជាច្រើន ក្នុងនោះការជួសជុល ការស្ថាបនាលូថ្មី និងការប្តូរខ្នោះអណ្តូងលូថ្មី ក៏ត្រូវបានសាលារាជធានីភ្នំពេញ យកចិត្តទុកដាក់ផងដែរ។
មន្ត្រីមន្ទីរសាធារណការ និងដឹកជញ្ជូនរាជធានីភ្នំពេញ បានអោយដឹងថា នៅថ្ងៃទី០៤និងទី០៥ខែកញ្ញាឆ្នាំ២០១៥ មន្ទីរសាធារណការរាជធានី បានជួសជុលអណ្តូងលូ និងប្តូរខ្នោះអណ្តូងលូថ្មី បានចំនួន ១៦អណ្តូងលូ ដោយដាក់នៅលើបណ្តោយ ផ្លូវលេខ១៩៣ ចាប់ពីមហាវិថីម៉ៅសេទុង ដល់ផ្លូវលេខ៣១០ ហើយជាទិសដៅបន្ត សាលារាជធានីភ្នំពេញ នឹងធ្វើការជួសជុល និងប្តូរខ្នោះអណ្តូងលូ នៅលើវិថីហ្សាលដឺហ្គោល ចាប់ពីផ្លូវលេខ១៦១ដល់ផ្លូវលេខ១០៧ ក្នុងខណ្ឌ៧មករាបន្តទៀត សំដៅធ្វើយ៉ាងណារំដោះទឹក អោយបានលឿនកាត់បន្ថយអោយបាន នូវការលិចលង់ដោយជំនន់ទឹកភ្លៀង៕
ជួសជុល និងប្តូរខ្នោះអណ្តូងលូថ្មី នៅផ្លូវលេខ១៩៣ និងបន្តទៅវិថីហ្សាលដឺហ្គោល ឆាប់ៗនេះ
0 Comments