ភ្នំពេញ ៖ លោកស្រី ងិន ចន្ទ្រា អគ្គនាយការងរដ្ឋទឹកស្វាយ័តភ្នំពេញ បានឱ្យកម្ពុជាថ្មីដឹងថា អង្គភាពរដ្ឋករទឹកស្វយ័តភ្នំពេញ បានបើកយុទ្ធនាការ ប្តូរកុងទ័រទឹកចាស់ៗ ចោល ហើយដាក់នូវកុងទ័រទឹកថ្មីជំនួសវិញ ជូនអតិថិជនដែលប្រើប្រាស់នៅតាមផ្ទះ ក៏ដូរជាតាមរោងចក្រសហគ្រាស ឬសិប្បកម្មនានានៅទូទាំងរាជធានីភ្នំពេញ ដោយឥតគិតថ្លៃ ។
លោក ស្រីអគ្គនាយរងការបន្តថា គិតមកដល់ឆ្នាំ២០១៥នេះ មានរយៈពេលប្រហែល៥ឆ្នាំមកហើយ ដែលអង្គភាពរដ្ឋករទឹកស្វយ័តភ្នំពេញ បានធ្វើសកម្មភាពប្តូរកុងទ័រទឹកចាស់ៗ ដែល ដាក់ឱ្យអតិថិជនហួសកំណត់ឆ្នាំចោល ហើយដាក់ថ្មីដោយឥតគិតថ្លៃ។ លោកស្រីបន្ថែមថា កុងទ័រទឹកដែលយើងប្តូរចោល គឺគិតចាប់ពី ការដាក់ប្រើមានរយៈ១២ឆ្នាំឡើងទៅ យើងត្រូវតែប្តូរចោល ព្រោះបើយើងប្រើតទៅទៀត មិនបានទេវាច្រេះស៊ី អាចមានបញ្ហា ពោលគឺដើរលើសឬខ្វះ ដើរមិនទៀងទាត់នាំឱ្យខាតបង់ ថវិការបស់អតិថិជន។
លោក ស្រីងិន ចន្ទ្រា បានបន្តបន្ថែមទៀតថា យុទ្ធនាការនេះគឺយើងចាប់ផ្តើមនៅក្នុងឆ្នាំ២០១១ រហូតមកដល់បច្ចុប្បន្ននេះ ដោយអនុវត្តនៅទូទាំង រាជធានីភ្នំពេញតែម្តង។ លោក ស្រីបញ្ជាក់ថា កុងទ័រទឹកថ្មីដែលយើងប្តូរ ជូនក្រោយនេះ ភាគច្រើនជាផលិតផលរបស់ប្រទេស ម៉ាឡេស៊ី អាចប្រើបានរយៈពេលពី ៨ទៅ៩ឆ្នាំតែប៉ុណ្ណោះ យើងនឹងប្តូរចោលទៀត មិនអាចទុកយូរហូតដល់១២ឆ្នាំទៀតទេ។
លោក ស្រីអគ្គនាយការរង បន្តទៀតថា កុងទ័រទឹកដែលយើងដាក់ជូន ទៅឱ្យអតិថិជនទាំងអស់ យើងបានរក្សាទុកឯកសារនៅក្នុងកុំព្យូទ័រ ហើយយើងមានការតាមដានរហូត តំបន់ត្រូវដែលដល់ឆ្នាំកំណត់ត្រូវប្តូរ យើងមានក្រុមការងាររបស់យើង ដើរប្តូរនៅតាមតំបន់នីមួយៗ ហើយការប្តូរនោះទៀតសោត យើងគ្រាន់តែសុំអនុញ្ញាតម្ចាស់ផ្ទះ បិទទឹកតែ២ម៉ោងសម្រាប់ប្តូរតែប៉ុណ្ណោះជាការស្រេច ។
ចុងក្រោយលោកស្រី អគ្គនាយការង រដ្ឋករទឹកស្វយ័តភ្នំពេញ ក៏បានសំណូមពរ ដល់អតិថិជនទាំងអស់ត្រូវជួយពិនិត្យតាមដាន ទុយោទឹករបស់បងប្អូនក្រែងមានបែក បាក់លិចធ្លុះធ្លាយ កន្លែងណាមួយហូរទឹកចោល នាំឱ្យខាតបង់ថវិការបស់បងប្អូន៕
នាយកដ្ឋានរដ្ឋករទឹកស្វយ័តភ្នំពេញ ប្តូរកុងទ័រទឹកជូនអតិថិជន ដោយមិនគិតថ្លៃ
0 Comments