កំពង់ស្ពឺ ៖ យុវជនម្នាក់បានស្លាប់បាត់បង់ជីវិតភ្លាមៗ និង២នាក់ទៀរងរបួសធ្ងន់ធ្ងរ ត្រូវបាន បញ្ជូនទៅសង្គ្រោះអាយុជីវិតនៅមន្ទីរពេទ្យ។ ករណីគ្រោះថ្នាក់ចរាចរណ៍នេះ បានកើតមានឡើង កាលពីថ្ងៃទី៨ ខែកញ្ញា ឆ្នាំ២០១៥ វេលាម៉ោង១៦ និង ២៤នាទី លើផ្លូវជាតិលេខ៤១ចន្លោះគីឡូ លេខ១៣-១៤ ចំណុចភូមិដូនកែវ ឃុំសែនដី ស្រុកសំរោងទង ខេត្តកំពង់ស្ពឺ។
សមត្ថកិច្ចបាននិយាយថា មានម៉ូតូ១គ្រឿង ម៉ាកស៊ុយសាគីនិច ពណ៌ស គ្មានស្លាកលេខ អ្នកបើកឈ្មោះ សុំ ទី ភេទប្រុស អាយុ ២០ឆ្នាំ រស់នៅ ភូមិព្រីងទឹក ឃុំរកាកោះ ស្រុកគងពិសី ខេត្តកំពង់ស្ពឺ មានឌុបពីក្រោយ ២នាក់ ទី១ឈ្មោះសន ភក្តី ភេទប្រុស អាយុ១៨ឆ្នាំ ទី២ឈ្មោះចន សុភាព ភេទប្រុស អាយុ១៨ឆ្នាំ រស់នៅភូមិ ឃុំជាមួយគ្នា ធ្វើដំណើរមកពីទិស ខាងជើងទៅទិសខាងត្បូង មកដល់ចំណុច ខាងលើបានបុករថយន្ត១គ្រឿងម៉ាកនីសាន់ (រថយន្តបែនដឹកដី) ពណ៌ស មិនស្គាល់ ស្លាកលេខ ឈ្មោះនិងអ្នកបើកបរ កំពុងធ្វើដំណើរស្របទិសគ្នាហើយបានបត់ ឆ្លងផ្លូវពីទិសខាងលិចទៅទិសខាងកើត បណ្ដាលឲ្យឈ្មោះ សុំ ទី អ្នកបើកបរម៉ូតូ ស្លាប់នៅកន្លែងកើតហេតុ និង ២នាក់ទៀត រងរបួសធ្ងន់បាន បញ្ជូនទៅមន្ទីរ ពេទ្យឯកជនថ្នល់ទទឹង។
សមត្ថកិច្ចបានបន្តថា ក្រោយពេលកើតហេតុ រថយន្តបានបើករត់គេខ្លួនបាត់។ ប្រភពបន្ត ទៀតថា មេឃរលឹមហើយអ្នកបើកម៉ូតូក្នុង ល្បឿនខ្វះការប្រុងប្រយ័ត្ន មិនបានមើលមុខ ស្រាប់តែមានរថយន្តបែនដឹកដីបត់ឆ្លងផ្លូវក៏បុកពីក្រោយពេញទំហឹងបណ្ដាលឲ្យមានអ្នកស្ដាប់ និងរបួសបែបនេះតែម្តង ។
ចំពោះសពបានប្រគល់ជូន ក្រុមគ្រួសារយក ទៅធ្វើបុណ្យតាមប្រពៃណី ចំណែកអ្នកបើក រថយន្ត បានបើករថយន្តគេចខ្លួនបាត់ ម៉ូតូខូច កម្រិតធ្ងន់បានប្រគល់ជូនគ្រួសាររងគ្រោះ៕
ស្លាប់ម្នាក់របួសធ្ងន់២នាក់ដោយសារជិះម៉ូតូបុកឡានបែនបត់ឆ្លងផ្លូវ
0 Comments