កីឡាករ Andy Murray បានទទួលរងនូវការចាកចេញពីព្រឹត្តិការណ៍ប្រកួត Grand Slam ឆាប់រហ័សបំផុតមិនធ្លាប់មានក្នុងរយៈពេល៥ឆ្នាំកន្លងមកនេះ ខណៈដែលគាត់ចាញ់ការប្រកួតនៅជុំទី៤ ជាមួយកីឡាករលំដាប់ថ្នាក់លេខ១៥ពិភពលោក Kevin Anderson។
កីឡាករ Kevin Anderson មកពីអាហ្វ្រិកខាងត្បូង បានឈ្នះការប្រកួត 7-6 (7-5) 6-3 6-7 (2-7) 7-6 (7-0) នៅក្នុងការប្រកួតមួយដែលចំណាយពេលអស់រហូតដល់ទៅ៤ម៉ោង និង១៨នាទី ដើម្បិឡើងដល់វគ្គ១ភាគ៤ផ្តាច់ព្រ័ត្រ US Open ជាលើកដំបូង ជាកន្លែងដែលគាត់ត្រូវប៉ះជាមួយកីឡាករ Stan Wawrinka។
សូមបញ្ជាក់ថា វាគឺជាលើកដំបូងហើយចាប់តាំងពីការប្រកួត US Open ឆ្នាំ២០១០ ដែលលកីឡាករ Murray បានចាញ់ការប្រកួតមុនវគ្គ១ភាគ៤ផ្តាច់ព្រ័ត្រនៃព្រឹត្តការណ៍ប្រកួត Grand Slam ។
កីឡាករ Murray បាននិយាយក្រោយការប្រកួតថា វាគឺជាអ្វីមួយដែលធ្វើឲ្យលោកខកចិត្តខ្លាំងបំផុត ពីព្រោះថា១៨លើករួចមកហើយដែលលោកធ្លាប់ឆ្លងផុតដំណាក់កាលងាយៗបែបនេះ។
ដោយឡែកកីឡាការិនីអង់គ្លេស Jo Konta បានចាញ់កីឡាការិនី Petra Kvitova ផងដែរក្នុងលទ្ធផលទាំងពីរសិត៥-៧ ៣-៦៕
កីឡាករ Andy Murray ចាកចេញពីការប្រកួត Grand Slam ទាំងមិនទាន់អស់ចិត្ត
0 Comments