នៅអនុតំបន់សាហារ៉ាទ្វីបអាហ្រ្វិក បញ្ហាជាច្រើនជាមួយនឹងប្រភេទជំងឺដែលអាចងាយនឹងរងការចម្លង មានដូចជា HIV គ្រុនចាញ់ និង Ebola គឺជារឿងទូទៅទៅហើយ។ ប៉ុន្ដែបើនិយាយអំពីជំងឺទឹកនោមផ្អែមដែលអាចកើតមានចំពោះមនុស្សចាស់ផងទៅទៀតនោះកំពុងតែត្រូវបានគេឃើញកើតមានជារឿយៗនៅក្នុងតំបន់ គឺនៅក្នុងបណ្ដាប្រទេសដ៏ក្រីក្រជាច្រើននៃពិភពលោក ដែលនៅទីនោះក្រុមគ្រូពេទ្យ វេជ្ជបណ្ឌិត និងទីតាំងវេជ្ជសាស្ដ្រមិនបានត្រៀមខ្លួនទុកជាមុនជាមួយនឹងបញ្ហាសុខភាពដ៏ធ្ងន់នោះ។
ជំងឺទឹកនោមផ្អែម Diabetes ពេលនេះបានរងផលប៉ះពាល់ដល់បុរស និងស្ដ្រីអាហ្វ្រិកប្រមាណ២១លាននាក់ទៅហើយ គឺជាចំនួនមួយដែលអ្នកសរសេរអត្ថបទនៅក្នុងព្រឹត្ដិបត្រ Lancet Diabetes and Endocrinology និយាយថា ជំងឺត្រូវបានគេប៉ាន់ប្រមាណអាចកើតមានចំពោះប្រជាពលរដ្ឋអាហ្វ្រិកដល់ទៅ៣៥លាននាក់នៅក្នុងរយៈពេល២០ឆ្នាំខាងមុខនេះថែមទៀត។
គេប៉ាន់ប្រមាណថា ប្រេវ៉ាឡង់នៃអ្នកកើតជំងឺទឹកនោមផ្អែមដែលមិនបានដឹងខ្លួនអំពីរោគលក្ខណៈនេះមានដល់ទៅ៦២ភាគរយនៃមនុស្សវ័យកណ្ដាលដែលមានអាយុតិចជាង៦០ឆ្នាំ ហើយចំនួនអ្នកស្លាប់អាចកើនឡើងដល់ទៅ៣ភាគ៤ គឺមានពាក់ព័ន្ធទៅនឹងស្ថានភាពនៃជំងឺទឹកនោមផ្អែមនេះ។
ទ្វីបអាហ្វ្រិក ពិសេសគឺអនុតំបន់សាហារ៉ា កំពុងតែតតាំងយ៉ាងខ្លាំងរួចទៅហើយចំពោះប្រភេទជំងឺដែលងាយនឹងចម្លងដូចជាវីរុស HIV របេង និងគ្រុនចាញ់ ប៉ុន្ដែបច្ចុប្បន្ននេះទៀតសោត ក៏កាន់តែរងសភាពធ្ងន់ថែមទៅទៀត ជាមួយនឹងប្រភេទជំងឺដែលមិនចម្លងសោះនោះ គឺជំងឺទឹកនោមផ្អែម។
ការប្រកួតប្រណាំងវិញនោះគឺ មន្ទីរពេទ្យ គ្លីនិក ព្រមទាំងបុគ្គលិកផ្នែកសុខាភិបាលកាន់តែមានការទទួលខុសត្រូវកាន់តែច្រើនថែមឡើងទៀត ចំពោះការព្យាបាលជំងឺទឹកនោមផ្អែមដែលជាប្រភេទជំងឺរ៉ាំរ៉ៃដែលតម្រូវឲ្យធ្វើការព្យាបាលទូទាំងរយៈពេលរស់នៅ។
គណៈកម្មការអន្ដរជាតិមួយដែលមានសមាសភាព អ្នកជំនាញឯកទេសផ្នែកគោលការណ៍សុខាភិបាល សេដ្ឋកិច្ចវិទូ ព្រមទាំងតំណាងរដ្ឋាភិបាល នឹងត្រូវបានបង្កើតឡើងដើម្បីរិះរកមធ្យោបាយធ្វើយ៉ាងណាដើម្បីពង្រឹងប្រព័ន្ធសុខាភិបាលដើម្បីត្រៀមទប់ទល់ជាមួយនឹងការរាតត្បាតនៃជំងឺទឹកនោមផ្អែមនៅទ្វីបអាហ្វ្រិក៕
VOA
ជំងឺទឹកនោមផ្អែម ការគំរាមកំហែងដែលកំពុងតែរីកធំឡើងចំពោះសុខភាព នៅទ្វីបអា្រហ្វិក
0 Comments