ភ្នំពេញ ៖ បុរសម្នាក់បានស្លាប់ដោយសារតខ្សែភ្លើងឆក់ត្រីធ្វើម្ហូបក្លែមស្រាខណៈខ្លួនឯងផឹកស្រាស្រវឹងរួចទៅហើយនោះ។
ហេតុការណ៍នេះបានកើតឡើងកាលពីម៉ោង១២កន្លះនាថ្ងៃទី០១ខែកញ្ញាឆ្នាំ២០១៥នៅភូមិត្រពាំងរាំងថ្មីសង្កាត់ឃ្មួញ ខណ្ឌសែនសុខ រាជធានីភ្នំពេញ។
សាកសពជនរងគ្រោះ ឈ្មោះ ពុំ សិដ្ឋ អាយុ២៧ឆ្នាំមុខរបរកម្មករសំណង់មានទីលំនៅភូមិកើតហេតុខាងលើ។
តាមសំដីសាក្សី ម្នាក់ឈ្មោះ ពុំ ពិសី ភេទប្រុសអាយុ២៥ឆ្នាំ ត្រូវជាប្អូនសព បាននិយាយថា នៅមុនពេលកើតហេតុ បងប្រុសគាត់(សព)បានទៅចូលរួមផឹកស៊ីនៅផ្ទះញាតិមិត្តម្នាក់ក្នុងភូមិជាមួយគ្នា ពេលផឹកស្រវឹងនិងអស់សាច់ក្លែមផងម្ចាស់ផ្ទះក៏ដេកសំរាកឯបងប្រុសខ្លួនក៏បានតពង្រាយខ្សែភ្លើងចុះទៅរកឆក់ត្រីនៅក្នងត្រពាំងនៅខាងក្រោយភូមិដើម្បីយកមកធ្វើម្ហូបក្លែមបន្តទៀតប៉ុន្តែខ្វះការប្រុងប្រយ័ត្នក៏ភ្លាត់ស្នៀតឆក់ខ្លួនឯងស្លាប់តែម្តង។
សាក្សីបញ្ជាក់ថា នៅពេលកំពុងឆក់នោះគាត់បានឃើញដែរតែរត់់ទៅជួយមិនទាន់៕
ផឹកស្រាស្រវឹងអស់សាច់ក្លែមចុះទៅឆក់ត្រីភ្លាត់ស្នៀតឆក់ខ្លួនឯងស្លាប់
0 Comments